მავნებელი მწერი – აზიური ფაროსანას გარემოში გავრცელების მონიტორინგი დაიწყო

საკარანტინო მავნებელი მწერი – აზიური ფაროსანას გარემოში გავრცელების ოდენობის დასადგენად, სურსათის ეროვნულმა სააგენტომ, სოფლის მეურნეობის სამინისტროს სპეციალისტებთან ერთად, აჭარის მუნიციპალიტეტებში სპეციალური ფერომონები განათავსა და მონიტორინგი დაიწყო.

აჭარის სოფლის მეურნეობის სამინისტროს აგრარული განვითარების დეპარტამენტის უფროსის, მამუკა თურმანიძის ინფორმაციით, აჭარაში 400 -ზე მეტი ფერომონი ფერმერების საკარმიდამო ნაკვეთებში უკვე განთავსდა. ფერომონი თანაბარი ოდენობით რეგიონის ყველა მუნიციპალიტეტში დაიდგა, აზიურ ფაროსანაზე მონიტორინგი რამდენიმე დღეს გაგრძელდება.

აზიური ფაროსანას გარემოში გავრცელების ოდენობას ფერომონებით ყოველდღიურად სურსათის ეროვნული სააგენტოს აჭარის სამმართველოსა და სოფლის მეურნეობის სამინისტროს სპეციალისტები დაითვლიან. „მონიტორინგის ვადის წინასწარი განსაზღვრა ძალიან რთულია, იმ შემთხვევაში თუ, მაღალი ატმოსფერული ნალექი არ გამოვლინდება, მონიტორინგი ერთი კვირის განმავლობაში დასრულდება, მონიტორინგის შემდეგ სპეციალური ანგარიში მომზადდება, საჭიროებიდან გამომდინარე დაიგეგმება გასატარებელი ღონისძიებები“.

 

ამავე თემაზე:

აზიური ფაროსანა ნებისმიერ სასოფლო-სამეურნეო კულტურას ანადგურებს – მწერთან ბრძოლა დატესტვის რეჟიმში

სეს: აზიური ფაროსანას წინააღმდეგ პროგრამა პირველ წელს სატესტო იქნება”

ნეტგაზეთის მასალების სხვა გამოცემებში გადაბეჭდვის წესი
ავტორი