აჭარის მთავრობის პროექტები ხულოს მუნიციპალიტეტში

რეგიონის ხელისუფლებისთვის მაღალმთიანი აჭარის განვითარება ერთ-ერთ პრიორიტეტს წარმოადგენს. მნიშვნელოვანი პროექტები ხორციელდება სოფლის მეურნეობისა და სოფლის განვითარების, მთის კურორტებისა და ტურიზმის განვითარების, საგანმანათლებლო ინფრასტრუქტურის და გზების კეთილმოწყობის მიმართულებით.

აჭარის მთავრობის თავმჯდომარე ზურაბ პატარაძე მაღალმთიანი აჭარის სხვადასხვა ხეობასა თუ სოფელს ხშირად სტუმრობს. გასულ დღეებში, ზურაბ პატარაძემ ხულოს მუნიციპალიტეტის რამდენიმე ლოკაცია მოიარა, მათ შორის სხალთისა და ღორჯომის ხეობა, კურორტები ბეშუმი და გოდერძი, ხულოს რამდენიმე სოფელი. მთავრობის თავმჯდომარე პირადად გაეცნო სხვადასხვა დასრულებულ თუ მიმდინარე პროექტს.

ხულოში დასუფთავების ახალი პროექტი ამოქმედდა

2017 წლის ზაფხულიდან, ხულოს მუნიციპალიტეტის 40 სოფელში 90 ნაგვის ურნა განთავსდება და საყოფაცხოვრებო ნარჩენების გატანა სპეციალური ტექნიკით განხორციელდება. აჭარის მთავრობის თავმჯდომარე ხულოს ცენტრში თემასთან დაკავშირებულ პრეზენტაციას დაესწრო და სოფლებიდან მყარი ნარჩენების გასატანად განკუთვნილი ორი მაღალი გამავლობის სპეციალური ავტომობილი დაათვალიერა. მათ შეძენაზე მუნიციპალიტეტის ბიუჯეტიდან 300 ათასი, ხოლო ნაგვის ურნებისთვის – 65 ათასი ლარი გაიხარჯა.

მსგავსი პროგრამა ქედის მუნიციპალიტეტში უკვე აქტიურად მუშაობს.

  • პროგრამის მეშვეობით აჭარის მაღალმთიან სოფლებში ხელოვნური ნაგავსაყრელების არსებობის პრობლემა მოიხსნება.

sandasuftaveba (1)

sandasuftaveba (3)

 

 

 

 

 

 

ახალი სასწრაფო დახმარების მანქანები ხულოს მაღალმთიანი ხეობებისთვის

2 ივნისს, აჭარის მთავრობის თავმჯდომარემ ზურაბ პატარაძემ აჭარის მთავრობის, დეპუტატების და ხულოს მუნიციპალიტეტის წევრებთან ერთად ხულოს სასწრაფო სამედიცინო დახმარების ცენტრს ორი ახალი ავტომანქანა, ტოიოტა „ლენდ კრუიზერი LC-78“ გადასცა.

ხულოს სასწრაფო სამედიცინო დახმარების ცენტრის ავტოპარკის განახლება ადგილობრივი მოსახლეობის თხოვნის საფუძველზე გადაწყდა. ახალი ავტომანქანების შეძენით სრულად განახლდა ხულოს მუნიციპალიტეტის სასწრაფო სამედიცინო დახმარების ცენტრის ავტოპარკი. ახალი ტექნიკა ღორჯომისა და სხალთის თემის მოსახლეობას მოემსახურება. ავტომანქანები მაღალმთიანი აჭარის რელიეფურ და კლიმატურ პირობებზეა გათვლილი.

  • მაღალი გამავლობის, კომფორტული ავტომანქანები აღჭურვილია თანამედროვე სამედიცინო აპარატურით, რომელიც სრულყოფილად უზრუნველყოფს პირველადიგადაუდებელი სამედიცინო დახმარების დროულ აღმოჩენას.

,,დღეს მხვდა წილად ბედნიერება, რომ ღორჯომისა და სხალთის ხეობების მოსახლეობისთვის დანაპირები შემესრულებინა. მათ ახალი, თანამედროვე, მთისთვის ადაპტირებული სასწრაფო დახმარების მანქანები გადავეცით. 2 მანქანა იქნება განკუთვნილი თითოეული ხეობისთვის. მანქანები ჯამში – 272 ათასი ლარი დაჯდა, მაგრამ დარწმუნებული ვარ, რომ ჩვენ გავაკეთეთ სწორი არჩევანი და გაღებული ხარჯი იყო მიზანშეწონილი, ვინაიდან ჩვენი მთავარი საზრუნავია ხალხი და კიდევ უფრო მეტი უნდა გავაკეთოთ იმისთვის, რომ ჩვენი რეგიონის მოსახლეობას უკეთესი პირობები შევუქმნათ, რომ მაღალმთიანი აჭარა იყოს ძლიერი, აქ გაიზარდოს ჯანსაღი, ჯანმრთელი ახალგაზრდობა. აქ უნდა განვითარდეს ტურიზმი, აქ უნდა განვითარდეს ინფრასტრუქტურა, ჩვენ გვჭირდება სერვისების გაუმჯობესება და  დღევანდელი დღე არის ერთ-ერთი მაგალითი ამ სერვისების განვითარების“ – აღნიშნა ზურაბ პატარაძემ მოსახლეობასთან შეხვედრისას.

  • ავტომანქანების შესაძენად აჭარის მთავრობის სარეზერვო ფონდიდან 272 000 ლარი გამოიყო. საქართველოს ჯანდაცვის სამინისტრომ, აჭარაში, სასწრაფო სამედიცინო დახმარების ცენტრის ავტოპარკი განახლება 2014 წელს დაიწყო. სამედიცინო წესით აღჭურვილი 11 მანქანა რაიონულ ცენტრებში განაწილდა: ქედის, შუახევისა და ხულოს რაიონულ ფილიალებს ორორი ავტომობილი, ხოლო ქობულეთის რაიონულ ცენტრს 3 საშუალო და 2 მაღალი გამავლობის სპეცმანქანა გადასცა. ასევე, ადგილობრივმა მუნიციპალიეტეტმა ქედის რაიონულ ცენტრს ადმინისტრაციული შენობა  გადასცა სარგებლობაში.

saswrafos mankanebis gadacema (4)

აჭარის მთავრობის თავმჯდომარე ზურაბ პატარაძე სხალთის ხეობაში განახლებულ კულტურის სახლს ეწვია. სხალთის კულტურის სახლის მშენებლობა-რეაბილიტაცისთვის 159 157 ლარი იყო გამოყოფილი. კულტურის სახლს 130 ადამიანზე გათვლილი დარბაზი ექნება,  სადაც შესაძლებელი იქნება საზოგადოებრივი შეკრებების და კულტურული ღონისძიებების ჩატარება. განახლებული კულტურის სახლის გახსნას ხეობის წარმომადგენლები ესწრებოდნენ. ზურაბ პატარაძე მათ მიესალმა და მთავრობის მიერ მაღალმთიანი აჭარის განვითარების  შესახებ ესაუბრა.

  • როგორც მთავრობის თავმჯდომარემ აღნიშნა, გრძელდება ინფრასტრუქტურული პროექტები, რომლებიც მოიცავს როგორც ახალი სკოლების, ბაღების, სოფლის მეურნეობის ლოჯისტიკური ცენტრების, ისე გზების მშენებლობას.

sxlatis kulturis saxli (2)

sxlatis kulturis saxli (1)

ხულოში გზების მოწყობისთვის 5,5 მილიონი ლარი დაიხარჯება

აჭარის ა/რ საავტომობილო გზებისა და სამელიორაციო სისტემების მართვის დეპარტამენტის 2017 წლის ბუჯეტის ფარგლებში, ხულოს მუნიციპალიტეტში, საგზაო ინფრასტრუქტურული პროექტებისათვის გამოყოფილია 5,5 მილიონ ლარზე მეტი. ამჟამად მიმდინარეობს დიდაჭარა-საციხური-გელაურა და ხულო ძირკვაძეების ასფალტობეტონის საფარის მოწყობის მოსამსაზდებელი სამუშაოები. უახლოეს მომავალში გამოცხადდება ტენდერი ახალი საავტომობილო გზის გაყვანის სამუშაოებზე ხიხაძირი-თხილვანა-ბაკოს მიმართულებით. მიმდინარე წელს ხულოს მუნიციპალიტეტში გათვალისწინებულია ასევე დანისპარაული-ველათის გზაზე არსებული ხიდის რეაბილიტაცია,  44 ერთეული ხელოვნური ნაგებობების (ფერდსამაგრი კედელი, გაბიონი, სანიაღვრე არხი) მშენებლობა-მოწყობა,  17 კმ. სიგრძის სამელიორაციო არხის რეკონსტრუქცია და 19 კმ. (6200 კუბ.მ.) ბეტონის საფარის მოწყობა.

მთის კურორტების განვითარება მაღალმთიან აჭარაში

დიდთოვლობისა და ხანგრძლივი ზამთრის შემდეგ, კურორტებზე ზაფხულის სეზონისთვის მზადება დაიწყო. აჭარის მთავრობის თავმჯდომარემ ხულოს გამგებელთან და ხულოს მაჟორიტარ დეპუტატთან ერთად მთის კურორტები “გოდერძი” და “ბეშუმი” დაათვალიერა.

კურორტ „გოდერძზე ამ ეტაპზე აქტიურად მიმდინარეობს კომპანია „ალიანსის“ მიერ  რვასართულიანი თანამედროვე სტანდარტების სასტუმროს მშენებლობა. ზაფხულის სეზონზე დაგეგმილია კიდევ 2 საინვესტიციო პროექტი, რომლებსაც მსხვილი ინვესტორი კომპანიები „მეტრო ატლას ჯორჯია“ და  „ალიანსი“ განახორციელებენ.

კურორტ «გოდერძი რისორტის“ სრულფასოვნად ფუნქციონირებისთვის მიმდინარე წლის ივლისიდან დაიწყება შიდა საგზაო ინფრასტრუქტურის მოწყობა, კერძოდ,  1761 მეტრიან მონაკვეთზე მოეწყობა ახალი გზა. შიდა გზის მოსაწყობად დაიხარჯება 2 მილიონ 500 ათასი ლარი. კურორტის შიდა კომუნიკაციისა და უწყვეტი წყალმომარაგების მიზნით მოეწყობა წყლის სათავე ნაგებობა, საცხენოსნო მომსახურების განვითარების მიზნით, კურორტის დამსვენებლებისთვის მოეწყობა საჯინიბო.  ამ ეტაპზე კურორტზე 6 კოტეჯია, ორ მათგანში მოეწყობა სპორტული სივრცე.

goderdzi1 (2)

ზურაბ პატარაძემ „გოდერძი რისორტის“ დირექტორთან ზურაბ ჭურკვეიძესთან და ხულოს მუნიციპალიტეტის გამგებელთან ბესიკ ბაუჩაძესთან სამუშაო შეხვედრა გამართა.  აჭარის მთავრობის თავმჯდომარემ ყურადღება გაამახვილა ბათუმი-ახალციხის საავტომობილო გზის ხულო-გოდერძის მონაკვეთის რეაბილიტაციის მნიშვნელობაზე კურორტის განვითარებაში. მისი თქმით,  საქართველოს ინფრასტრუქტურის სამინისტროს მიერ 29-კილომეტრმიანი მონაკვეთის სამუშაოები უახლოეს მომავალში დაიწყება.

  • კურორტ გოდერძის განაშენიანების რეგულირების გეგმაზე მუშაობა დასრულებულია. დოკუმენტზე საერთაშორისო და ქართულმა ორგანიზაციებმა იმუშავეს. სტრატეგიის მიხედვით კურორტი 4 სეზონზე გათვლილი დასასვენებელი ადგილი გახდება აჭარაში. კურორტის განვითარების არეალი – 633.45 ჰა მოიცავს. განაშენიანების რეგულირების გეგმის მიხედვით “გოდერძი” ერთდროულად 7 000 დამსვენებლის მიღებას შეძლებს. განაშენიანების რეგულირების გეგმით კურორტზე დასასვენებელი, სპორტული და სარეკრეაციო ადგილები განისაზღვრა.

პირველად, კურორტ „ბეშუმს“ ასფალტის საფარიანი გზები ექნება

ზურაბ პატარაძემ ხულოში ყოფნისას კურორტ ბეშუმსაც ეწვია და შესრულებული სამუშაოები დაათვალიერა. გზის, სასმელი წყლის და კანალიზაციის სისტემების სარეაბილიტაციო სამუშაოების  პირველი ეტაპი კურორტზე გასულ წელს დასრულდა. მიმდინარე წელს ტარდება მეორე ეტაპის ინფრასტრუქტურული სამუშაოები, რომლებიც კურორტზე დარჩენილი გზების მოასფალტებას და კეთილმოწყობას გულისხმობს.

  • ასფალტის საფარიანი გზების მოწყობა ბეშუმის არსებობის მანძილზე პირველად ხორციელდება.

ივნისის ბოლოს აღნიშნული პროექტი მთლიანად დასრულდება. რაც შეეხება ელექტრომომარაგების საკითხებს, მიმდინარეობს ძირითადი მაგისტრალების რეაბილიტაცია. კურორტზე მოეწყო საკონცერტო სცენა და დამონტაჟდა გარე განათების ბოძები.კურორტზე მდგომაროება ჯანდაცვის კუთხითაც გაუმჯობესდა. ამბულატორიის ექიმებს ახლახან გადაეცათ მაღალი გამავლობის ახალი სამედიცინო ავტომანქანები, რომლებიც  24-საათის განმავლობაში მოემსახურება ბეშუმს და მიმდებარე იალაღებს.

  • უნიკალური ჰავითა და სამკურნალო თვისებებით გამორჩეულ კურორტ ბეშუმს ძირითადად ადგილობრივი დამსვენებლები სტუმრობრობენ, თუმცა ბოლო წლებში შეინიშნება უცხოელი ტურისტების სიმრავლეც. ინფრასტრუქტურის გაუმჯობესება და მომსახურების ხარისხის ამაღლება ტურისტების ზრდის ტენდენციას კიდევ უფრო შეუწყობს ხელს.

kurorti beshumi (2)

სკოლების და ბაღების მშენებლობა/რეაბილიტაცია- აჭარის მთავრობის პრიორიტეტული მიმართულება მაღალმთიან სოფლებში

აჭარის ავტონომიური რესპუბლიკისა და ადგილობრივი ბიუჯეტის დაფინანსებით, ხულოში, მოსახლეობის მოთხოვნის გათვალისწინებით, აქტიურად ხორციელდება  საბავშვო ბაღებისა და სკოლების სამშენებლო და სარეაბილიტაციო პროექტები.

ხულოს მუნიციპალიტეტში 49 საჯარო  სკოლაა. წელს სამინისტროს პროგრამით  ხულოში 10 ინფრასტრუქტურული პროექტი განხორციელდება. დასრულდება აგარის საჯარო სკოლის მშენებლობა. სამინისტროს პროგრამით ასევე,  უახლოეს პერიოდში დაიწყება ახალი სკოლების მშენებლობა სოფლებში ტუნაძეები და განახლება. დაგეგმილია 7 საჯარო სკოლის რეაბილიტაცია. კერძოდ, ოქრუაშვილების, უჩხოს, რიყეთის, ბოძაურის, ქვედა ვაშლოვანის, დიაკონიძეებისა და წაბლანის.

წელსვე, შეძენილი იქნება დიოკნისის საჯარო სკოლის რეაბილიტაციის პროექტი, რომელიც განხორციელდება 2018 წელს. სარეაბილიტაციო გეგმის მიხედვით, 2018-2019 საწავლო წლისათვის ხულოს მუნიციპალიტეტის ყველა საჯარო სკოლაში ძირითადი  სამუშაოები დასრულებული იქნება.

მნიშვნელოვანი პროექტები მიმდინარეობს სკოლამდელი აღზრდის ინფრასტრუქტურის განვითარების მიმართულებით. მიმდინარე წელს დასრულდა ხულოს მუნიციპალიტეტის ბიუჯეტით გათვალისწინებული 5 ახალი საბავშვო ბაღის მშენებლობა, მათ შორის: ვერნების, ფაჩხის, კორტოხის, თხილვანის და მეკეიძეების საბავშვო ბაღები.

kedlebis bagi

მიმდინარე პროცესშია 4 ახალი საბავშვო ბაღის მშენებლობა-რეაბილიტაცია: ზედა ვაშლოვანის საბავშვო ბაღი (მოემსახურება 930 მაცხოვრებელს, ბეღლეთის საბავშვო ბაღი (მოემსახურება 950  მაცხოვრებელს), ბოძაურის საბავშვო ბაღი (მოემსახურება 890 მაცხოვრებელს), უჩხოს საბავშვო ბაღისა და სოფლის კლუბის შენობის რეაბილიტაცია (მოემსახურება 680 მაცხოვრებელს).

  • ხულოს მუნიციპალიტეტში დაგეგმილი ყველა სახელმწიფო პროექტი ინფრასტრუქტურისა და სოფლის მეურნეობის, ტურიზმისა და კურორტების განვითარებას ემსახურება, რაც მნიშვნელოვანწილად გააუმჯობესებს მაღალმთიან აჭარაში მცხოვრები მოსახლეობის ეკონომიკურ და სოციალურ მდგომარეობას.

აჭარის მთავრობა
ნეტგაზეთის მასალების სხვა გამოცემებში გადაბეჭდვის წესი
ავტორი