tofuzi

ანიმაციური ფილმების ფესტივალი ქედაში

ქედის მუნიციპალიტეტში ანიმაციური ფილმების მეცხრე საერთაშორისო ფესტივალი – „ექო თოფუზი“ 7-8 ივნისს ჩატარდება.

ფესტივალის ფარგლებში მაყურებელს შესაძლებლობა ექნება, 2016 წელს შექმნილი ოთხი ქართული და ამავე რაოდენობის უცხოური ანიმაციური ფილმი ნახოს, ანიმაციური ფილმების ჩვენებამდე კი, ფესტივალის ფარგლებში ბავშვებისთვის ბარაბან შოუ, ანიმაციური ვორქშოპი და ვიქტორინა მოეწყობა.

ვიქტორინაში გამარჯვებულ ბავშვებს, თანამედროვე ქართული ანიმაციური ფილმების კრებულის DVD დისკებს გადასცემენ. ანიმაციური ფილმების ჩვენება ქედაში, კულტურის ცენტრში, დღეს, 14 საათზე დაიწყება და ფესტივალის ფარგლებში დაგეგმილი ღონისძიება დაახლოებით ორ საათამდე გაგრძელდება. ანალოგიურ დროსა და პროგრამით ჩატარდება ფესტივალი ხვალ, 8 ივნისს.

ანიმაციური ფილმების ფესტივალი ქედაში ადგილობრივი ბიუჯეტიდან ფინანსდება, რისთვისაც 2 700 ლარია გამოყოფილი.

ნეტგაზეთის მასალების სხვა გამოცემებში გადაბეჭდვის წესი
ავტორი