მთავარი,სიახლეები

ბათუმში უმაღლესი საბჭოს დეპუტატი დააკავეს

07.06.2017 • 4012
ბათუმში უმაღლესი საბჭოს დეპუტატი დააკავეს

„ნაციონალური მოძრაობის“ რეგიონალური ოფისის პრესსპიკერის ინფორმაციით,  „ნაციონალური მოძრაობის წევრები“ – უმაღლესი საბჭოს დეპუტატი, ელგუჯა ბაგრატიონი და ამავე პარტიის აქტივისტი, რეზო ხარაზი დააკავეს.

ენმ-ს ინფორმაციით, ისინი პოლიციამ ჩაქვში დააკავა, საიდანაც ბიძინა ივანიშვილის პარკისთვის ხეების გადააქვთ. „მარტო ელგუჯა ბაგრატიონი და რეზო ხარაზი იყვნენ ჩასული, ჩვენ, აქტივი იქ არ ვიყავით. ისინი ხეების გადამზიდავებს სთხოვდნენ ხეების გადატანის ნებართვას, რის გამოც ისინი პოლიციამ დააკავა“, – აცხადებს ენმ-ს პრესსპიკერი ლია ჯაყელი.

მისივე ინფორმაციით, ამ წუთებში რეზო ხარაზი ქობულეთში, წინასწარი დაკავების იზოლატორში ჰყავთ მოთავსებული, ელგუჯა ბაგრატიონი კი, ბათუმშია დაკავებული.

მომხდართან დაკავშირებით ენმ ბრიფინგს მოგვიანებით გამართავს.

შსს პრესსამსახურის ინფორმაციით, ბაგრატიონი და ხარაზი დაკავებულნი არიან ადმინისტრაციულ სამართალდარღვევათა კოდექსის 173-ე მუხლით, რაც პოლიციელის კანონიერი მოთხოვნისადმი დაუმორჩილებლობას გულისხმობს.

უმაღლესი საბჭოს დეპუტატი ელგუჯა ბაგრატიონი პოლიციამ უკვე მესამედ დააკავა.

რეზო ხარაზი

რეზო ხარაზი

22055

ელგუჯა ბაგრატიონი

 

 

 

 

 

 

 

ბიძინა ივანიშვილის პარკისთვის მრავალწლოვანი ხის გადატანის პროცესი აჭარის უმაღლესი საბჭოს მიმდებარე ტერიტორიიდან / ჩაქვი, 6.06.2017/ მირზა კონცელიძის ფოტო (2)

ბიძინა ივანიშვილის პარკისთვის მრავალწლოვანი ხის გადატანის პროცესი / აჭარის უმაღლესი საბჭოს მიმდებარე ტერიტორია, ჩაქვი, 6.06.2017 / მირზა კონცელიძის ფოტო

გადაბეჭდვის წესი


ასევე: