აქცია ბათუმში: ნაჭრის ჩანთები პოლიეთილენის პარკების ნაცვლად

დღეს, 5 ივნისს, მსოფლიო გარემოს დაცვის საერთაშორისო დღეს აღნიშნავს. ამ დღესთან დაკავშირებით ბათუმში რამდენიმე ღონისძიება იგეგმება, მათ შორის „თავისუფალ ჟურნალისტა სახლთან“ არსებული “ბათუმის ახალგაზრდული ცენტრის“ აქცია – “ნაჭრის ჩანთები პოლიეთილენის პარკების ნაცვლად”.

ყოველ ერთ წუთში მსოფლიოში საშუალოდ 1 000 000 პოლიეთილენის პარკს მოიხმარენ და იგი გარემოს ერთ-ერთ მნიშვნელოვან დამაბინძურებლად მიიჩნევა. პოლიეთილენის პარკის გამოყენების საშუალო ხანგრძლივობა 25 წუთია, გარემოში კი  500-1000 წელი რჩება.  ნაჭრის ან სხვა მყარი მასალისგან დამზადებული ჩანთები პოლიეთილენის პარკების ყველაზე კარგ ალტერნატივად მიიჩნევა.

სწორედ ამიტომ დღეს, 17:00 საათზე, 6 მაისის პარკის კოლონადებთან, ბათუმის ახალგაზრდული ცენტრის წევრები მათ მიერ მოხატულ ნაჭრის ჩანთებს დაარიგებენ.

იხილეთ იფოგრაფიკა 7 მიზეზის შესახებ, თუ რატომ არ უნდა წამოიღოთ პოლიეთილენის პარკი მაღაზიიდან:

ია ფრანგიშვილი

აქტივობა “ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის” [PITA] ფარგლებში ხორციელდება, რომელსაც ახორციელებს საქართველოს გაეროს ასოციაცია (UNAG), ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით.

 

ამავე თემაზე:

ბიოდეგრადირებადი პარკი პოლიეთილენის ნაცვლად

ეკოპარკები პოლიეთილენის ნაცვლად

საქართველოში ევროკავშირთან შედარებით ორჯერ მეტ პოლიეთილენის პარკს მოიხმარენ

ნეტგაზეთის მასალების სხვა გამოცემებში გადაბეჭდვის წესი


ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან