სიახლეები

”აწარმოე საქართველოში” -ახალი სახელმწიფო პროგრამა

25.07.2014 • 1683
”აწარმოე საქართველოში” -ახალი სახელმწიფო პროგრამა

 

 

პროგრამა საქართველში პირველი ივნისიდან ამოქმედდა. მისი მიზანია ადგილობრივი ახლადშექმნილი საწარმოების განვითარება და ხელშეწყობა.

 

სახელმწიფო დაინტერესებულ მეწარმეს ფინანსურ, ინფრასტრუქტურულ და საკონსულტაციო მხარდაჭერას სთავაზობს.

 

მეწარმეს შეუძლია ახალი საწარმოს შესაქმნელად პროგრამაში მონაწილე რომელიმე ბანკში წარადგინოს პროექტი და აიღოს შეღავათიანი სესხი, ასევე სახელმწიფოსგან სიმბოლურ ფასად მიიღოს უძრავი ქონება მასში საწარმოს ამოქმედების პირობით.

 

ღონისძიებას ესწრებოდნენ აჭარის ეკონომიკის სამინისტროს, აჭარის სოფლის მეურნეობის, პროგრამაში მონაწილე კომერციული ბანკებისა და ბიზნესსექტორის წარმომადგენლები. პროგრამის პრეზენტაციაზე ასევე იმყოფებოდა საქართველოს ეკონომიკის მინისტრის მოადგილე ქეთი ბოჭორიშვილი.

 

ბიზნესმენი თამაზ წინწკარაძე პროექტს დადებითად აფასებს:

„მაქვს გადამამუშავებელი წისქვილ-კომბინატი. ეკონომიკის სამინისტროს წერილობით მივმართე და დარწმუნებულ ვარ საწარმოს გადაიარაღებაში დამეხმარებიან. ამ პროგრამის პირობებში ეს წისქვილ-კომბინატი იქნება ერთ-ერთი მნიშვნელოვანი საწარმო დასავლეთ საქართველოში“.  

 

პროგრამას ახორციელებენ საქართველოს ეკონომიკისა და სოფლის მეურნეობის სამინისტროები. პროგრამის ბიუჯეტი 46 მილიონი ლარია. დეტალური ინფორმაცია იხილეთ ბმულზე.        

 

გადაბეჭდვის წესი