დამტვრეული სკამები ქედის პარკში

ქედაში, რუსთაველის ქუჩაზე, პარკში ხის სკამების უმრავლესობა დამტვრეულია. პარკის რეაბილიტაციაზე ქედის გამგეობამ 2015 წელს 82 828 ლარი დახარჯა.

პარკში სარეაბილიტაციო სამუშაოები ელექტრონულ ტენდერში გამარჯვებულმა კომპანია „ბილდ მენეჯმეტმა“ შეასრულა. ტენდერის მიხედვით, სკამების საგარანტიო ვადა 2 წელია.

ქედის გამგებლის მოადგილე გურამ ბერიძე ამბობს, რომ გამგეობა პარკში არსებულ დამტვრეულ სკამებს ღია პარკში ღონისძიებებისთვის განკუთვნილი სცენის მონტაჟის ფარგლებში შეაკეთებს. ქედის გამგეობამ დაბა ქედაში, რუსთაველის ქუჩაზე არსებულ პარკში სცენის მშენებლობაზე ტენდერი გუშინ, 31 მაისს, გამოაცხადა. საწყისი სატენდერო ფასი 230 800 ლარია.

18835436_1375112335917802_1395529510_n 18928234_1375111915917844_855775259_n

ნეტგაზეთის მასალების სხვა გამოცემებში გადაბეჭდვის წესი
ავტორი