სიახლეები

რამდენს იშოვი 20 ლარით? – პროექტი ახალგაზრდებისათვის

16.07.2014 • 1513
რამდენს იშოვი 20 ლარით? – პროექტი ახალგაზრდებისათვის

 

ბიზნეს მარათონი “20=200”   ბიზნეს ინკუბატორის ერთგვარი სიმულაცია, რომელიც ინოვაციური ბიზნეს იდეების მქონე ახალგაზრდებს საშუალებას აძლევს პრაქტიკაში გამოსცადონ საკუთარი იდეა.

 

ბიზნეს მარათონში მონაწილეობა შეუძლია საქართველოს  ნებისმიერი საჯარო თუ კერძო სკოლის მოსწავლეს და უმაღლესი სასწავლებლის სტუდენტს. პროექტის ფარგლებში, 16-დან 25 წლამდე ასაკის ახალგაზრდებით დაკომპლექტებული გუნდები მონაწილეობენ   ბიზნეს მარათონში. მათ ევალებათ, შეიმუშაონ ბიზნეს იდეა, რომლის საშუალებითაც საწყის კაპიტალს – 20 ლარს  გაზრდიან მინიმუმ 200 ლარამდე და დააგროვებენ ყველაზე დიდ მოგებას. მარათონი იმართება სპეციალურად  შერჩეულ ადგილზე, დილის 10:00–დან საღამოს 22:00 საათამდე.  გუნდებს უფლება აქვთ დღის  განმავლობაში შემოსული თანხა ჩააბრუნონ წარმოებაში და დღის განმავლობაში ადგილზევე შექმნან პროდუქტი.

 

ბიზნეს იდეის საწყისი კაპიტალი განსაზღვრულია 20 ლარით. ეს თანხა მონაწილე გუნდს გადაეცემა მარათონის დაწყებამდე 3 დღით ადრე და ეძლევა დრო საჭირო ნივთებისა და პროდუქტის შესაძენად.

 

გამარჯვებულია ის გუნდი, ვინც დღის ბოლოს ყველაზე მეტ მოგებას დააგროვებს. პირველ ადგილას გასული გუნდი საკუთარ მოგებასთან ერთად იღებს სხვა გუნდების მოგების10%-ს, მეორე ადგილზე გასული – 7% და მესამეზე – 3%.გუნდს დამარცხების შემთხვევაშიც კი ხვდება თანხა – მისი მოგების 50%. ყოველი მონაწილის მოგების 30% მიდის პროექტის საორგანიზაციო ფონდში.

 

აპლიკაციები მიიღება 25 ივლისის ჩათვლით.

 

გუნდების რაოდენობა შეზღუდულია, დაინტერესებულმა პირებმა უნდა შეავსონ  სარეგისტრაციო ფორმა მისამართზე:

https://docs.google.com/forms/d/1zGXyJJryCfDVYNfmZmyd0MA_uZeqpB_TLPubhDSEvww/viewform 

 

პროექტის მუდმივი მხარდამჭერია ეკონომიკისა და მდგრადი განვითარების სამინისტროს სსიპ “ინოვაციებისა და ტექნოლოგიების სააგენტო” და საქართველოს უნივერსიტეტი. პროექტი  2013 წელს სპორტისა და ახალგაზრდობის სამინისტროს მიერ დასახელდა წლის საუკეთესო ახალგაზრდულ პროექტად.

 

გადაბეჭდვის წესი