„ვეფხისტყაოსნის“ დღე რუსთაველის უნივერსიტეტში

დღეს, 26 მაისს, საქართველოს დამოუკიდებლობის დღეს, ბათუმის რუსთაველის სახელმწიფო უნივერსიტეტში შოთა რუსთაველის „ვეფხისტყაოსნის“ 850 წლის იუბილე აღინიშნება.

უნივერსიტეტის ადმინისტრაციის ინფორმაციით, 37-ე აუდიტორიაში გაიმართება საქართველოს დამოუკიდებლობის დღისადმი მიძღვნილი დისკუსია. შოთა რუსთაველის დარბაზში (55-ე აუდიტორია) პროფესორები – რამაზ ხალვაში და შორენა მახაჭაძე წაიკითხავენ საჯარო ლექციებს თემაზე: „შოთა რუსთაველის „ვეფხისტყაოსანი“ – საქართველოს ერთ-ერთი მთავარი საიდენტიფიკაციო კოდი“, ხოლო ასოცირებული პროფესორი ციური ქათამაძე წაიკითხვას მოხსენებას – „შოთა რუსთაველი იერუსალიმის ჯვრის მონასტერში“.

13:00 საათზე 6 მაისის პარკში მოეწყობა „ვეფხისტყაოსნის“ საჯარო კითხვა სხვადასხვა ენაზე (ქართული, ინგლისური, გერმანული, ფრანგული, რუსული, უკრაინული, პოლონური, თურქული, არაბული…), აქვე გამოიფინება სტუდენტთა მიერ „ვეფხისტყაოსნის“ თემაზე შესრულებული ნახატები, უნივერსიტეტის ბიბლიოთეკაში დაცული „ვეფხისტყაოსნის“ გამოცემები, ბათუმის შოთა რუსთაველის სახელმწიფო უნივერსიტეტის ატრიბუტიკა რუსთაველის ლოგოთი და სტუდენტთა და პროფესორ-მასწავლებელთა ხელით შესრულებული კალიგრაფიული ნიმუშები (სტროფები „ვეფხისტყაოსნიდან“).

„ღონისძიებები გაგრძელდება აქციით -„დავამზადოთ და ვატაროთ კოკარდები“.

ნეტგაზეთის მასალების სხვა გამოცემებში გადაბეჭდვის წესი


ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com