aerosmithfanquiz

„აეროსმიტი“ ბათუმში ჩამოვიდა

19 მაისს, საღამოს ჯგუფი „აეროსმიტი“ ბათუმში ჩარტერული რეისით ჩამოფრინდა. ჯგუფის კონცერტი ხვალ, 20 მაისს, შეკვეთილში, „ბლექ სი არენაზე“ გაიმართება. ჯგუფი ბათუმში დღეს სასტუმრო „შერატონში“ დარჩება.

საკონცერტო დარბაზ “ბლექ სი არენასთან” დაახლოებით 400 მეტრში მაღალბაქნიანი სარკინიგზო სადგური მოეწყო, რომელიც პირველად ჯგუფ “აეროსმიტის” კონცერტზე ჩასულ მგზავრებს მოემსახურება. მგზავრები მატარებლიდან პირდაპირ საკონცერტო დარბაზთან შეძლებენ მისვლას.

კონცერტის  შეკვეთილში, „ბლექ სი არენას“ დარბაზში ჩატარებისთვის, საქართველოს ბიუჯეტიდან 5,5 მილიონი ლარი იხარჯება. კონცერტზე ყველა ბილეთი გაყიდულია.  ბილეთის ფასი 50-დან 400 ლარამდე იყო.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ტელ: [0422] 27 45 12 ელფოსტა: kvachadze.n@gmail.com