IMG_0010

ენმ-ს ბრიფინგი პრემიებსა და დანამატებზე სოციალურად დაუცველი ოჯახიდან

19 მაისს „ნაციონალური მოძრაობის“ წევრებმა ბრიფინგი გამართეს საჯარო მოხელეების ხელფასებზე, პრემიებსა და დანამატებზე სოციალურად დაუცველი ოჯახებიდან. „ნაციონალური მოძრაობის“ წევრის, რეზო ხარაძის თქმით, სოციალურად დაუცველ ოჯახებს სახელმწიფო უკანონოდ უწყვეტს საარსებო შემწეობას, „მაშინ როცა მთავრობის წევრები თვეში ათასობით ლარის ხელფასსა და პრემიას იღებენ“.

„ჩვენ გამოვითხოვეთ 2016 წლის დეკემბრიდან ოთხი თვის ხელფასი, დანამატი და პრემია ხუთი უწყებიდან – აჭარის მთავრობის აპარატიდან და სამინისტროებიდან. ამ ოთხი თვის განმავლობაში დახარჯულია  860 297 ლარი დანამატის სახით, პრემიის სახით კი – 657 786 ლარი. აჭარის მთავრობის თავმჯდომარე, ზურაბ პატარაძე აცხადებდა, რომ პრემიები აღარ გაიცემოდა საჯარო უწყებებში, თუმცა ფაქტი არის სხვა,“ -ამბობს რეზო ხარაზი.

მისივე თქმით, ზურაბ პატარაძეს პრემია არ აუღია, თუმცა „ხელფასის ოდენობის დანამატი აქვს აღებული“.

რეზო ხარაზი ამბობს, რომ მსგავსი აქცია გაგრძელდება და პარტია სოციალურად დაუცველ ოჯახებს გააცნობს, თუ რაში იხარჯება მათი ფული. შემდეგი, მსგავსი აქციის გამართვას ენმ ქობულეთში გეგმავს, შემდეგ კი – დანარჩენ მუნიციპალიტეტებში.

ამავე თემაზე:

პრემიის სახით ყველაზე მეტი თანხა აჭარის მთავრობის აპარატში გაიცა, ყველაზე ნაკლები – ტურიზმის დეპარტამენტში

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com