მთავარი,სიახლეები

კიდევ ერთი მოსამართლე, რომელიც „11-12 მარტის აქციის საქმეს“ განიხილავს

19.05.2017 • 2738
კიდევ ერთი მოსამართლე, რომელიც „11-12 მარტის აქციის საქმეს“ განიხილავს

„11-12 მარტის აქციის საქმეზე“ 9 ბრალდებულის საქმეს დღეს, 19 მაისს, ბათუმის საქალაქო სასამართლოში მოსამართლე თამარ ბეჟანიშვილი განიხილავს. არსებითი განხილვის პირველ სხდომაზე მოსამართლე ბრალდებულებს  ბრალის არსს გააცნობს და ჰკითხავს – ცნობს თუ არა რომელიმე მათგანი თავს დამნაშავედ. თამარ ბეჟანიშვილი ასევე განუმარტავს ბრალდებულებს, რა სასჯელი ელოდება თითოეულ მათგანს, ბრალის დადასტურების შემთხვევაში.

ამავე საქმეზე დაკავებული კიდევ 8 პირის საქმეს მოსამართლე ირაკლი შავაძე განიხილავს. მან არსებითი განხილვის პირველი სხდომა 17 მაისს გამართა. საქმე სულ 16 ტომს მოიცავს და 301 მოწმეა დასაკითხი. ჯერ არც ერთი მოწმე ამ საქმეზე არ დაკითხულა. ბრალდებულ 19 პირს მასობრივი ძალადობის მოწყობას, ასევე პოლიციელებისადმი თავდასხმას ედავება გამოძიება.

„ბათუმის აქციის საქმეზე“ კიდევ ორი ბრალდებული არასრულწლოვანია. მათ შემთხვევას დახურულ სხდომაზე განიხილავს სასამართლო. კიდევ ორ ბრალდებულს, მერაბ ღოღობერიძესა და ირაკლი ჩხვირკიას კი, მასობრივი არეულობის ორგანიზება ედება ბრალად. მათი საქმის განხილვა სასამართლოს ჯერ არ დაუწყია.

თამარ ბეჟანიშვილი

თამარ ბეჟანიშვილი

გადაბეჭდვის წესი


ასევე: