ბათუმის საკრებულო საზოგადოებას სამწლიანი საქმიანობის შემაჯამებელ ანგარიშს წარუდგენს

ბათუმის საკრებულო თავისი საქმიანობის შემაჯამებელ ანგარიშს მოსახლეობას, 22 მაისს, 12:00 საათზე, საკრებულოს სხდომათა დარბაზში წარუდგენს.

მისამართი: ბათუმი, ლადო ასათიანის ქუჩა, N. 25.

შეხვედრას მისასალმებელი სიტყვით გახსნის საკრებულოს თავმჯდომარის მოადგილე, ირაკლი ჩავლეიშვილი.

საფინანსო და ეკონომიკური განვითარების კომისიის თავმჯდომარე, თენგიზ აფხაზავა, საკრებულოს ზოგად საქმიანობასა და კომისიების ანგარიშებს მიმოიხილავს.

საკრებულოს ფრაქციები კი, მათ მიერ გაწეულ საქმიანობასა და ინიცირებულ საკითხებს წარმოადგენენ.

აღნიშნულ ანგარიშს საკრებულოს წევრების გარდა, ადგილობრივი არასამთავრობო ორგანიზაციებისა და მედიის წარმომადგენლები, ასევე საკითხით დაინტერესებული მოქალაქეები დაესწრებიან. შეხვედრის მონაწილეებს საშუალება მიეცემათ საკუთარი აზრი გამოთქვან საკრებულოსა და ფრაქციების მიერ განხორციელებული საქმიანობის შესახებ, კითხვები დაუსვან არჩეული თანამდებობის პირებს და მიიღონ პასუხები მათთვის აქტუალურ საკითხებზე.

შეხვედრაზე დასწრება თავისუფალია. გთხოვთ მობრძანდეთ.

აღნიშნულ ღონისძიებას ქალაქ ბათუმის საკრებულო ეროვნულ-დემოკრატიული ინსტიტუტის (NDI) ადგილობრივი თვითმმართველობის პროგრამის ფარგლებში ახორციელებს. პროგრამა დაფინანსებულია აშშ-ის საერთაშორისო განვითარების სააგენტოს (USAID) მიერ.
ნეტგაზეთის მასალების სხვა გამოცემებში გადაბეჭდვის წესი
ავტორი