შეხვედრას კომისიის თავმჯდომარე საქართველოს რეგიონული განვითარებისა და ინფრასტრუქტურის მინისტრის მოადგილე თეიმურაზ მურღულია უძღვებოდა. შეხვედრის დასაყისშივე მან შპს „ბათუმის წლის“ პრობლემებზე გააკეთა აქცენტები და კომისიის წევრებს რეგიონის მხრიდან, პრობლემის მოგვარების გზა ერთხელ კიდევ შეთავაზა:
„შესწავლამ გამოავლინა რამდენიმე სერიოზული პრობლემა. პირველი ეს არის კონსოლიდირებული გეგმების არარსებობა, რაც საშუალებას მოგვცემს იმპორტის ჩანაცვლების პოლიტიკა ვაწარმოოთ ქვეყანაში. არის ასევე საკადრო და კვალიფიკაციის პრობლემები, საჭიროა პერმანენტული გადამზადება, ამ კუთხით ჩვენ ვიფიქრეთ რა შეიძლებოდა ყოფილიყო ადეკვატური გადაწყვეტილება.
პრობლემას ქმნის ის, რომ გვაქვს რამდენიმე აიპი და არა ერთი შპს, რომელსაც ტექნიკურადაც არა აქვს ლიცენზირების საშუალება. ანუ მარეგულირებელში ლიცენზიას ვერ აიღებს. პირობითად, ეს ყველაფერი რომ გავაერთიანოთ ერთ აჭარის წყალში, იმისთვის რომ კონსოლიდაციის რეჟომში ვიყოთ შევქმნათ ერთი ორგანიზცია აჭარის წყალი, ისე რომ არცერთი სამუშაო ადგილი არ დაიკარგოს. ასევე ქონებაზე მიდავების საკითხი არ უნდა დადგეს დღის წესრიგში. ეს ყველაფერი გადაეცემა გაერთიანებული წყალმომარაგების კომპანიას და მასვე მიებმება არსებული ინფრასტრუქტურა.
ეს ჩემი პირადი აზრია და აქ თქვენს მოსასმენად ვართ მოსული. სანამ თქვენს აღშფოთებას მოვისმენ მანამდე გეტყვით რატომ არის ეს მნიშვნელოვანი.
ნაციონალური საინვესტიციო პოლიტიკა არის ძალიან მასშტაბური. ჩვენ სადღაც 150 მილიონამდე უკვე გვაქვს ინვესტირებული და უახლოეს წელს კიდევ დამატებით 100 მილიონიან ტრანშს ველოდებით. სადღაც 10 წლიან პერსპექტივაში გვაქვს ნახევარი მილიარდის საინვესტიციო შეთანხმება ევროპის საინვესტიციო ბანკთან და აზიის განვითარების ბანკთან.
იმ შემთხვევაში კი თუ არ გავაკეთეთ აქტივების უნიფიკაცია ტექნიკურად არ გაგვაჩნია იმის საშუალება რომ მართვით აღებულ შპს-ს გავუკეთოთ ინვესტირება. არ ვლაპარაკობთ ქონების ცალკე ვიღაცისთვის მიცემაზე, შევქმანათ ერთი შპს „აჭარის წყალი“ რომელშიც გაერთიანებული წყალმომარეგების კომპანია მოახდენს ინვესტირებას.
ჩვენი ამოცანაა ის პრობლემები რაც სასმელ წყალთან დაკავშირებით საერთოა მთელ საქართველოში ერთობლივად აღმოვფხვრათ. “
კომისიის თავმჯდომარის გამოსვლის შემდეგ, როგორც მან ივარაუდა აღშფოთებას ადგილი არ ქონია, რეგიონის მხრიდან კომისიის წევრებმა მხოლოდ კითხვები დასვეს.
მათ დაინტერესება ძირითადად გერმანიის რეკონსტრუქციის საკრედიტო ბანკის პოზიციასთან დაკავშირებით გამოთქვეს (KFW).
კითხვები შეეხო ქონების, ასევე სოფლების წყალმომარაგების და ტარიფის საკითხებსაც.
შპს „ბათუმის წლის“ დირექტორის ინფორმაციით იმისთვის რომ ტარიფი არ გაზრდილიყო ბათუმის მერია კომპანიის სუბსიდირებას ახდენდა.
თეიმურაზ მურღულიას თქმით იმისთვის რომ ტარიფი არ გაიზარდოს მერიამ სუბსიდიის გათვალისწინება „ბათუმის წყლის“ ცენტრალურ მართვაში გადაცემის შემთხვევაშიც უნდა გააგრძელოს.
„ ჩვენი მოსაზრება, რაც პირველ შეხვედრაზეც გამოვთქვით და სამინისტროსაც მივწერეთ იყო ის, რომ ბათუმის წყლის ინტეგრირება წყალმომარაგების კომპანიაში მანამდე არ განხორციელებულიყო სანამ რეაბილიტაციის პროექტი არ დამთავრდებოდა. ჩვენ ერთი პატარა შეთანხმებისათვის დამფინანსსებელ ორგანიზაციასთან თვეები გვჭირდება. ამ მოლაპარაკებებს რა დრო დასჭირდება?- მე არ ვარ წინააღმდეგი იყოს ერთიანი მართვა ან სახელმწიფო გადაწყვეტილების წინააღმდეგი როგორ ვიქნები, მაგრამ მოლაპარაკებების შემდეგ საჭირო იქნება ყველა ვალდებულების გადაცემა, ეს რამდენ ხანს შეაჩერებს სარეაბილიტაციო სამუშაოებს? – განაცხადა ბათუმის საკრებულოს ინფრასტრუქტურის კომისიის თავმჯდომარემ ზაურ ფატლაძემ სხდომაზე.
აჭარის მუნიციპალიტეტების წარმომადგენლები კი სოფლების წყლით მომარაგების ბედით დაინტერესდნენ.
შეხვედრას აჭარის მთავრობის მხრიდან ირაკლი გორაძე აჭარის მთავრობის საერთაშორისო ურთიერთოებების დეპარტამენტის ხელმძღვანელი, მთავრობის ადმინისტრაციის უფროსის მოვალეობის შემსრულებელი პაატა ჯალაღონია. ბათუმის საკრებულოს თავმჯდომარე ირაკლი ჩავლეიშვილი, საკრებულოს ინფრასტრუქტურის კომისიის თავმჯდომარე ზაურ ფატლაძე, შპს „ბათუმის წყლის“ დირექტორი ჯანი ვარშალომიძე და მერიის საფინანსო სამსახურის ხელმძღვანელი არჩილ ვანაძე ესწრებიდნენ.
შეხვედრის ბოლოს კომისიამ კენჭი უყარა საკითხს, რომლის თანახმადაც საქართველოს რეგიონული განვითარებისა და ინფრასტრუქტურის მინსტრს მიეცა უფლებამოსილება მოლაპარაკება აწარმოოს გერმანიის რეკონსტრუქციის ბანკთან, „ბათუმის წლის“ ცენტრალურ მართვაში გადაცემის შემთხვევაში, სარეაბილიტაციო პრპექტების გაგრძელებასთან დაკავშირებით.
