ალექსანდრე ჯეჯელავა: „ეროვნულ სასწავლო გეგმაში ცვლილებები შევა“

საქართველოს განათლების მინისტრის ალექსანდრე ჯეჯელავას განცხადებით, ეროვნულ სასწავლო პროგრამაში ცვლილებები იგეგმება. მინისტრის ინფორმაციით, ცვლილებები ძირითადად მეშვიდე-მეცხრე კლასის ეროვნულ სასწავლო პროგრამაში შევა.

„მეხუთე-მეექვსე კლასების ეროვნული სასწავლო პროგრამა არ მომწონს, განსაკუთრებით არ მომწონს მეშვიდე, მერვე და მეცხრე კლასების სასწავლო პროგრამა. დიდია დატვირთვა ამ კლასებში და უნდა მოხერხდეს ეროვნული სასწავლო პროგრამის განტვირთვა. საათობრივი ბადე უცვლელი დარჩება, მხოლოდ ორჯერ უფრო პრაქტიკული გახდება ამ კლასების ეროვნული სასწავლო პროგრამა.

ჩვენ გვჭირდება ბავშვი, რომელსაც არ დაეკარგება სწავლის მოტივაცია, თინეიჯერების წლები თქვენც იცით როგორი რთულია, შენგან სიმკაცრე კი არ უნდა მიიღოს, მას სიყვარული და მხარდაჭერა სჭირდება.“ – განაცხადა მინისტრმა 8 მაისს შუახევში, პედაგოგებთან შეხვედრაზე.

მინისტრის ინფორმაციით, ცვლილებები არ შეეხება მაღალ კლასებს, რადგანაც „16, 17 წლის ასაკში ან ჩამოყალიბებული მოსწავლეა, ან ჩამოუყალიბებელი და მას სასწავლო პროგრამის გამარტივება არ სჭირდება“ .

მინისტრი შუახევში პედაგოგებს შეხვდა

მინისტრი შუახევში პედაგოგებს შეხვდა

ნეტგაზეთის მასალების სხვა გამოცემებში გადაბეჭდვის წესი
ავტორი