ბათუმში, ნინოშვილის ქუჩაზე, შოთა რუსთაველის უნივერსიტეტის მიმდებარე ტერიტორიაზე ინფრასტრუქტურული სამუშაოები მიმდინარეობს.
120 დღის ვადაში კომპანია „ნიუპოვერმა“, ბათუმის მერიის დაკვეთით, 5300 კვ.მ ტერიტორიაზე უნდა დააგოს ქვაფენილი, ბორდიურები, კორდი, დეკორატიული ფილები და დაამონტაჟოს სკამები. ასევე, მიმდინარეობს სანიაღვრე და საკანალიზაციო ჭების რეაბილიტაცია.
პროექტის ღირებულება 541 ათასი ლარია. ხელშეკრულების თანახმად, სამუშაოები აგვისტოში უნდა დასრულდეს.