ავტოსაგზაო შემთხვევა ციხისძირში – ერთი პირი საავადმყოფოშია გადაყვანილი

ავტოსაგზაო შემთხვევა მოხდა ცოტა ხნის წინ ქობულეთი-ბათუმის ავტომაგისტრალზე სოფელ ციხისძირში, რის გამოც რამდენიმე წუთით შეჩერებული იყო მოძრაობა. თვითმხილველის თქმით, ერთმანეთს მსუბუქი ავტომანქანა და მიკროავტობუსი შეეჯახა.

შინაგან საქმეთა სამინისტროს პრესსამსახურის ინფორმაციით, ავტოსაგზაო შემთხვევის შედეგად დაშავებული ერთი პირია გადაყვანილი საავადმყოფოში. ფაქტზე აღძრულია საქმე სს კოდექსის 276-ე მუხლის პირველი ნაწილით.

ქობულეთის სასწრაფო-სამედიცინო სამსახურის ინფორმაციით, ავტოსაგზაო შემთხვევის დროს დაშავებულის მდგომარეობა სტაბილურია.

მოძრაობა მაგისტრალზე ამ დროისთვის აღდგენილია.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com