მთავარი,სიახლეები

ბათუმში აშშ-საქართველოს 25-წლიანი ურთიერთობის კვირეული დაიწყო

24.04.2017 • 2085
ბათუმში აშშ-საქართველოს 25-წლიანი ურთიერთობის კვირეული დაიწყო

დღეს, 24 აპრილს, ბათუმის ამერიკულ კუთხეში საქართველოსა და ამერიკის შეერთებული შტატების 25-წლიანი თანამშრომლობის კვირეული გაიხსნა. ღონისძიება ბათუმის რევაზ ლაღიძის გოგონათა აკადემიურმა გუნდმა აშშ-სა და საქართველოს ჰიმნებით გახსნა. შეხვედრას აშშ-ს საელჩოს პოლიტიკური ოფიცერი ლორა ჰოჩლა ესწრებოდა.

შეხვედრაზე იმყოფებოდნენ ბათუმის მერი გიორგი ერმაკოვი, რუსთაველის უნივერსიტეტის რექტორი მერაბ ხალვაში და განათლების სამინისტროს წარმომადგენლები.

ორი ქვეყნის ჰიმნების შესრულების შემდეგ საქართველოში აშშ-ის ელჩის იან კელის ვიდეომიმართვა მოვისმინეთ.

საქართველოში აშშ-ს ელჩის იან კელის ვიდეო მიმართვა

საქართველოში აშშ-ის ელჩის იან კელის ვიდეომიმართვა

ელჩმა ვიდეომიმართვაში ხაზი გაუსვა საქართველო-აშშ-ის სტარეგიულ პარტნიორობასა და მეგობრობას.

აშშ-ს საელჩოს პოლიტიკურმა ოფიცერმა ლორა ჰოჩლამ ასევე ისაუბრა საქართველოს, როგორც პარტნიორი სახელმწიფოს წვლილზე.

ლორა ჰოჩლას თქმით, ამ 25 წლის მანძილზე ამერიკის მთავრობამ, საელჩოს და „ათასწლეულის გამოწვევის კორპორაციის“ მეშვეობით 4 მილიარდი დოლარის ინვესტიცია ჩადო ქართველ ხალხის მხარდასაჭერად.

ლორა ჰოჩლა

ლორა ჰოჩლა

„ამ 25 წლის მანძილზე ჩვენ გვაერთიანებდა საერთო მიზნები და ფასეულობები, რომ ჩვენს ოჯახებს შევუქმნათ უსაფრთხო და თავისუფალი გარემო. ჩვენ მადლიერები ვართ საქართველოს საერთაშორისო უსაფრთხოებაში შეტანილი წვლილისთვის, ერაყისა და ავღანეთის  ნატოს მისიებში მონაწილეობისთვის და იმისთვის, რომ ის ამ რთულ რეგიონში არის ნათელი წერტილი დემოკრატიის, გახსნილობის, გამჭვირვალობისა და სასამართლოს დამოუკიდებლობის კუთხით.

მე ჩემს პირად გამოცდილებაზეც შემიძლია გითხრათ, როცა საქართველოში ჩამოვედი, ჩემი შვილები 4 და 1 წლისანი იყვნენ, ახლა კი ჩემი გოგონა 4 წლისაა და ეს წლები საქართველოში გაატარა, ასე რომ ისიც ქართველია“, – აღნიშნა მან.  საელჩოს პოლიტიკურმა ოფიცერმა ასევე მადლობა გადაუხადა „მშვიდობის კორპუსის“ მონაწილეებს, რომლებმაც თავიანთი ცხოვრების ორი წელი საქართველოს მიუძღვნეს.

აშშ-საქართველოს 25 წლიანი ურთიერთობის აღნიშვნა ბათუმის ამერიკულ კუთხეში

აშშ-საქართველოს 25 -წლიანი ურთიერთობის აღნიშვნა ბათუმის ამერიკულ კუთხეში

ამერიკა-საქართველოს 25-წლიან ურთიერთობაზე ისაუბრეს ქალაქის მერმა და უნივერსიტეტის რექტორმა. შემდეგ გოგონათა გუნდმა კიდევ ერთი მუსიკალური ნომერი შეასრულა. შეხვედრაზე ახალგაზრდა გამომგონებლების ნამუშევრებსაც გაეცნენ.

 

ლაღიძის გოგონათა აკადემიური გუნდი

ლაღიძის გოგონათა აკადემიური გუნდი

კვირეულის ფარგლებში დღეს ასევე დაგეგმილია გამოფენა – „ჯონ სტეინბეკის და რობერტ კაპას მოგზაურობა საქართველოში“, ძმები ნობელების მუზეუმში. 15:00 საათზე კი ამერიკულ კუთხეში დოკუმენტური ფილმის – „ურბანული დაგეგმარება“ ჩვენება და დისკუსია გაიმართება.

2

გადაბეჭდვის წესი


ასევე: