სიახლეები

ქარი და შტორმი ბათუმში – 17 საათისთვის ამინდის გაუმჯობესებას ელოდებიან

23.04.2017 • 1961
ქარი და შტორმი ბათუმში – 17 საათისთვის ამინდის გაუმჯობესებას ელოდებიან

აჭარის სანაპირო ზოლში მთელი ღამის განმავლობაში და დღეს ძლიერი ქარი, ზღვაზე კი შტორმია. აჭარის საგანგებო და გადაუდებელი სიტუაციების მართვის სააგენტოს ინფორმაციით ამ დროისთვის ბათუმში ქრის აღმოსავლეთის ქარი 20 მ/წმ-ში, ხოლო ზღვის ღელვა 4-5 ბალია.

„გუშინ საღამოს დაიწყო ამინდის გაუარესება და გრძელდება დღესაც. ჩვენი სამსახური მობილიზებულია, სულ იყო 40-მდე შეტყობინება, ვრეაგირებთ ყველა შეტყობინებაზე. გონიოში საჯარო სკოლის შენობას ქარმა გადახადა სახურავი, თუმცა ადგილობრივი მუნიციპალიტეტის ძალებით უკვე შეკეთებულია. გონიოშივე ერთ საცხოვრებელ სახლს გადახადა ქარმა სახურავი მთლიანად და იქვე სამ ავტომანქანას დაეცა. ბათუმში ჭავჭავაძის ქუჩის დასაწყისში, ქარმა კორპუსს სახურავის მასალა ახადა… უამინდობის გამო არავინ დაშავებულა. 17 საათისთვის, დღეს, პროგნოზის მიხედვით წვიმას ველოდებით, სავარაუდოდ ქარიც ჩადგება“ – გვითხრეს სააგენტოში.

გადაბეჭდვის წესი