მთავარი,სიახლეები

სკოლის მიმდებარედ 50 მეტრის რადიუსში თამბაქოს გაყიდვა ისევ აკრძალული იქნება

21.04.2017 • 1883
სკოლის მიმდებარედ 50 მეტრის რადიუსში თამბაქოს გაყიდვა ისევ აკრძალული იქნება

საკონსტიტუციო სასამართლომ არ დააკმაყოფილა მოქალაქე ხათუნა ფხალაძის სარჩელი. ის კანონში „თამბაქოს კონტროლის შესახებ“ იმ ჩანაწერს ასაჩივრებდა, რომლის მიხედვითაც თამბაქოს გაყიდვა სააღმზრედელო დაწესებულებებიდან 50 მეტრის რადიუსში აკრძალულია.

მოსარჩელეს თამბაქოს ჯიხური თბილისში, ლესელიძის ქუჩაზე ჰქონდა გახსნილი და იგი ერთ-ერთი საჯარო სკოლის ერთ-ერთი ოფიციალური საზღვრიდან 42 მეტრითაა დაშორებული. კანონის დარღვევის გამო, მოსარჩელე რამდენჯერმე დააჯარიმეს. საბოლოოდ კი, ხათუნა ფხალაძემ კონსტიტუციური სარჩელით მიმართა სასამართლოს.

„51-ე მეტრში რომ გადავიტანო ჩემი ჯიხური და იქ გავყიდო თამბაქო, რა შეიცვლება?” – ეს შეკითხვა მოსარჩელემ მოსამართლეებს საქმის არსებითი განხილვის დროს დაუსვა. არსებითი განხილვის დროს სასამართლომ ექსპერტების პოზიცია მოისმინა და პარლამენტისაც, რომელიც ამ დავაში მოპასუხე მხარე იყო.

გადაწყვეტილება საკონსტიტუციო სასამართლოს პირველმა კოლეგიამ მიიღო.

 

 

 

გადაბეჭდვის წესი


ასევე: