მთავარი,სიახლეები

აჭარაში სამ ადამიანზე ერთი ავტომანქანა მოდის

21.04.2017 • 3268
აჭარაში სამ ადამიანზე ერთი ავტომანქანა მოდის

2016 წლის მონაცემებით, აჭარაში სულ 92 370 ავტომანქანაა რეგისტრირებული, ეს საქართველოს ავტოპარკის 8.2 პროცენტია – კვლევა საქართველოს ავტოპარკის შესახებ შს სამინისტრომ გამოაქვეყნა.

2014 წლის საყოველთაო აღწერის მონაცემების თანახმად  კი აჭარაში სულ  333 953 ადამიანი ცხოვრობს ( 184 774- ქალაქში,    149 179 – სოფელში), შესაბამისად, აჭარაში სამ ადამიანზე საშუალოდ ერთი ავტომანქანა მოდის.

კვლევის თანახმად, 2016 წელს საქართველოში ავტომანქანების რაოდენობა 8 პროცენტით გაიზარდა, ხოლო 2014 წელთან შედარებით – 16,8 პროცენტით.

2016 წლის მონაცემებით, საქართველოში სულ 1 126 470 ავტომანქანაა. აქედან  91 პროცენტი 2007 წლამდეა წარმოებული. 3 წლამდე ასაკის ავტოსატრანსპორტო საშუალებები ავტოპარკის მხოლოდ 1,3 პროცენტს შეადგენს. მთლიანი ავტოპარკის 11 პროცენტის მფლობელები იურიდიული პირები არიან, ხოლო 89 პროცენტის – ფიზიკური პირები.

თითოეულ ავტოსატრანსპორტო საშუალებაზე მოქალაქეთა ხვედრითი წილი რეგიონების მიხედვით 3-დან 4-მდე მერყეობს.

როგორც სამგზავრო, ასევე სატვირთო ავტომანქანებში ლიდერობს FORD-ი, რომელიც სამგზავროების 47%-ს შეადგენს, ხოლო სატვირთოების – 30%-ს.

_______________________________________________________________

ამავე თემაზე: 

რომელ ავტომანქანას ანიჭებენ უპირატესობას ქალები და კაცები საქართველოში

1 126 000 მანქანა – საქართველოს ავტოპარკი 2016 წელს 8%-ით გაიზარდა [ინფოგრაფიკა]

გადაბეჭდვის წესი


ასევე: