გადათხრილი ტროტუარი თავდადებულის ქუჩაზე
ფოტო: ლელა დუმბაძე

ახლად დაგებულ ტროტუარზე ფილები ისევ აყრილია

ბათუმში, დემეტრე თავდადებულისა და ჭავჭავაძის ქუჩების კვეთაში,  ახლად დაგებული ტროტუარი რამდენიმე კვირაა აყრილია. აქ ქვეითების გადაადგილება შეზღუდულია.

ბათუმის მერიის კეთილმოწყობის სამსახურის უფროსის, თენგიზ პეტრიძის განმარტებით, მათ ტროტუარზე ახალი ფილები დააგეს, თუმცა ამჟამად ტექნიკურ სამუშაოებს „ენერგო პრო-ჯორჯია“ აწარმოებს.

„ენერგო პრო-ჯორჯია“ თვითონ აღადგენს ტროტუარს, მერია ამაში დამატებით თანხას არ ხარჯავს“.

„ბათუმელების“ კითხვაზე, რატომ არ ხდება წინასწარ შეთანხმება კომუნიკაციის მფლობელ კომპანიებთან ქუჩების რეაბილიტაციის დაწყებამდე, რომ შემდეგ აღარ გახდეს საჭირო დაგებული ფილების აყრა და თავიდან დაგება? თენგიზ პეტრიძე პასუხობს, რომ სანამ რომელიმე ქუჩის რეაბილიტაცია დაიწყება, მერია კომუნიკაციების მფლობელ ყველა კომპანიასთან აგზავნის შეტყობინებას.

„ჩვენ სამუშაოების დაწყებამდე ვაფრთხილებთ კომუნიკაციის მფლობელებს სიტყვიერადაც და წერილობითაც. ენერგო პრო-ჯორჯიაც გაფრთხილებული იყო, მაგრამ დამატებით დებენ კიდევ სარეზერვო კაბელებს და ამიტომ  უწევთ გადათხრა“.

ენერგოკომპანიამ  დაგებული ფილები აყარა მელიქიშვილის, რუსთაველის, ლერმონტივისა და კიდევ რამდენიმე ქუჩაზე.

როდის დაასრულებს ენერგოკომპანია გადათხრილი ტროტუარების რეაბილიტაციას, ამ კითხვაზე ენერგოკომპანიისგან პასუხი ჯერჯერობით ვერ მივიღეთ.

გადათხრილი ტროტუარი თავდადებულის ქუჩაზე ფოტო: ლელა დუმბაძე

გადათხრილი ტროტუარი თავდადებულის ქუჩაზე.
ფოტო: ლელა დუმბაძე

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com