სიახლეები

28 წელი წაბლანის ტრაგედიიდან

19.04.2017 • 4353
28 წელი წაბლანის ტრაგედიიდან

წაბლანის ტრაგედიიდან 28 წელი გავიდა. 1989 წლის 19 აპრილს წაბლანაში ჩამოწოლილმა მეწყერმა სოფელი მოიყოლა, რის შედეგადაც 23 ადამიანი დაიღუპა, მათ შორის სამი ბავშვი.

სოფელ წაბლანაში მცხოვრები 212 ოჯახის მიერ ჩამოყალიბებულ ამხანაგობა „წაბლანა-2015-ს” აჭარის მთავრობამ ორი წლის წინ გამოუყო 5001 კვ/მ მიწის ნაკვეთი ბათუმში, რურუასა და ტაბიძის ქუჩების კვეთაში. მიწის ნაკვეთის გარდა მთავრობამ დაზარალებულებს 1 550 000 ლარი გამოუყო და  „აჭარისწყალი-ჯორჯიასთან“ მიღწეული შეთანხმების შესაბამისად ამხანაგობას დაეხმარების სახით კიდევ 1 775 000 ლარი გადაეცა.

წაბლანაში დაზარალებული ოჯახებისთვის ორი მრავალსართულიანი კორპუსის მშენებლობა 2017 წლის მესამე კვარტალში უნდა დასრულდეს.

აჭარის მაღალმთიანეთში კვლავ რჩება მეწყერსაშიში ზონები, სადაც მოსახლეობა საფრთხის ქვეშაა. მთავრობის პროგრამის ფარგლებში მათი განსახლება უსაფრთხო ადგილებში ეტაპობრივად ხორციელდება.

წაბლანაში, სტიქიის დროს დარუპულთა ხსოვნის მემორიალთან, დღეს აჭარის მთავრობის წარმომადგენლებთან ერთად, საქართველოს პრემიერ-მინისტრი, გიორგი კვირიკაშვილიც მივა.

ამავე თემაზე:

წაბლანის სტიქიას გადარჩენილი

მეწყერსაშიში ზონები აჭარაში

ბინები დაზარალებული წაბლანელებისთვის

გადაბეჭდვის წესი