აჭარის პროკურატურაში საკადრო ცვლილებებია. „ბათუმელების“ ინფორმაციით, პროკურორი თორნიკე მარსაგიშვილი საქართველოს მთავარ პროკურატურაში გადაიყვანეს, ხოლო რომეო ტყაბლაძე ზესტაფონის რაიონული პროკურატურის უფროსის მოადგილედ დანიშნეს.
საკადრო ცვლილებებზე ინფორმაციის მოწოდებას პროკურატურის პრესსამსახური დაგვპირდა, თუმცა ამ დრომდე არც პასუხი მიგვიღია და არც დადასტურება ამ ორი პროკურორის ადგილმონაცვლეობის შესახებ.
პროკურატურის ოფიციალური ვებგვერდის მონაცემებით, რომეო ტყაბლაძე ზესტაფონის რაიონულ პროკურატურაშია. პროკურორი თორნიკე მარსაგიშვილის სამსახურის შეცვლაზე კი დღეს, ერთ-ერთ სხდომაზე მოსამართლე ირაკლი შავაძემაც აღნიშნა, როცა მას პროკურორის არყოფნის გამო სხდომის გადადება მოუწია.
ფოტოზე: აჭარის პროკურორები „ბათუმელების“ არქივიდან
