17916505_1675775219118564_2047060814_o

ბარათაშვილის #26-ის გვერდით კიდევ ერთი სახლის დემონტაჟი იგეგმება

კომპანია „რენესანს დეველოპმენტს გრუპს“, რომელმაც ბარათაშვილის #26-ში ისტორიული სახლი დაანგრია, ამ ტერიტორიის მიმადებარედ, ფარნავაზ მეფის #56-ში, კიდევ ერთი სამსართულიანი სახლის დანგრევის ხარჯზე, ახალი კორპუსის აშენება სურს.

კომპანიაში ამბობენ, რომ ეს იქნება იმავე მასშტაბებისა და ვიზუალის პროექტი, რასაც კომპანია ბარათაშვილის #26- ში ახორციელებს, ამიტომაც მისი დამტკიცება ხელს შეუწყობს უბნის კვარტალურ განვითარებას.

კომპანია ცვლილებების შეტანას გეგმავს ასევე ბარათაშვილის 26-ის პროექტშიც.

17902751_1675780589118027_1521193647_o

მშენებლობა ძეგლის დაცვის ზონაში მიმდინარეობს. კომპანიამ, როგორც ცვლილების, ასევე ახალი პროექტის შეთანხმების მიზნით კულტურული მემკვიდრეობის სააგენტოს უკვე მიმართა, სააგენტო ორივე პროექტის ერთიანად განხილვას მომავალ სხდომაზე გეგმავს.

„რენესანს დეველოპმენტ გრუპი“ 2015 წელს დაფუძნებული კომპანიაა. მის 75 %-ს უკრაინის ორი მოქალაქე,  25 %-ს კი რუსეთის მოქალაქე ფლობს.

ნეტგაზეთის მასალების სხვა გამოცემებში გადაბეჭდვის წესი
ავტორი