სიახლეები

ბათუმის რუსთაველის უნივერსიტეტი „ბენზეში“ სათბურს აშენებს

04.04.2017 • 2894
ბათუმის რუსთაველის უნივერსიტეტი „ბენზეში“ სათბურს აშენებს

ბათუმის შოთა რუსთაველის სახელმწიფო უნივერსიტეტი თამარის დასახლებაში, აგრარული და მემბრანული ტექნოლოგიების ინსტიტუტის ეზოში, სასწავლო-სამეცნიერო დანიშნულების მიზნით, სათბურს აშენებს.

სასწავლო-სამეცნიერო დანიშნულების სათბური ინსტიტუტის ეზოში 400 კვადრატზე მოეწყობა. სათბურის მშენებლობა უნივერსიტეტის ბიუჯეტიდან ფინანსდება, რისთვისაც 60 000-მდე ლარია გამოყოფილი.

თამარის [„ბენზეს“] დასახლებაში არსებულ მემბრანული ტექნოლოგიების ინსტიტუტში, ბათუმის სახელმწიფო უნივერსიტეტის ტექნოლოგიური ფაკულტეტის აგრარული მიმართულება ისწავლება. სათბურში სტუდენტები სასწავლო პრაქტიკას გაივლიან და სამეცნიერო-კვლევით სამუშაოებს განახორციელებენ.

ამ ფაკულტეტის სტუდენტები მწვანე კონცხზე, ყოფილი სასოფლო-სამეურნეო ინსტიტუტის ტერიტორიაზე მდებარე შენობაში სწავლობდნენ. მწვანე კონცხზე არსებული შენობის მიმდებარე ტერიტორია, შენობაც და საერთო საცხოვრებელიც, აჭარის მთავრობამ აუქციონზე გაყიდა. უნივერსიტეტის ყოფილი ქონება იყიდა ყოფილ პრემიერთან, ბიძინა ივანიშვილთან დაკავშირებულმა კომპანიამ.

ფოტო: ბსუ-ს ფეისბუქ გვერდიდან

მწვანე კონცხზე 13640 კვ/მ მიწა, სავარაუდოდ, ბიძინა ივანიშვილთან დაკავშირებულმა კომპანიამ შეიძინა

უნივერსიტეტის სტუდენტების პრობლემები გრიშაშვილის #5-ში

 

 

გადაბეჭდვის წესი


ასევე: