მთავარი,სიახლეები

„პარტიზანული მებაღეობა“, „თეთრი ხმაურის მოძრაობა“ და „ბათომი“ – საჯარო შეხვედრა ბათუმში

30.03.2017 • 1927
„პარტიზანული მებაღეობა“, „თეთრი ხმაურის მოძრაობა“ და „ბათომი“ – საჯარო შეხვედრა ბათუმში

31 მარტს,  11:00 საათზე, ბათუმის დემოკრატიული ჩართულობის ცენტრში თბილისიდან მოწვეული ექსპერტები და სამოქალაქო აქტივისტები გამართავენ შეხვედრას თემაზე – „ადვოკატირების კამპანიის დაგეგმვა და მართვა, თანამოაზრეების მოზიდვა და მედიასთან კომუნიკაცია.“

მოწვეული სტუმრები ადგილობრივ არასამთავრობო ორგანიზაციებს, მედიის წარმომადგენლებს, სამოქალაქო აქტივისტებს და სხვა დაინტერესებულ პირებს გაუზიარებენ საკუთარ გამოცდილებას, თუ როგორ ხდება სამოქალაქო კამპანიის დაგეგმვა და წარმართვა,
ადვოკატირებისა და ქსელური მუშაობის რომელი მეთოდებია უფრო წარმატებული და როგორ უნდა განვითარდეს მედიასთან ეფექტიანი კომუნიკაცია კამპანიის დაგეგმვის და განხორციელების პროცესში. გავრცელებული პრესრელიზის თანახმად,  შეხვედრაზე ასევე განხილული იქნება ბათუმისთვის მნიშვნელოვანი საკითხები.

შეხვედრაზე ისაუბრებენ: ნატა ფერაძე – „პარტიზანული მებაღეობა“, გურო იმნაძე – „თეთრი ხმაურის მოძრაობა“, შოთა გუჯაბიძე, ნათია აფხაზავა – „ბათომი“.

შეხვედრა აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის ორგანიზებით ტარდება. EWMI ACCESS-ი საქართველოს რეგიონებში ყოველწლიურად ატარებს შეხვედრების ციკლს სახელწოდებით „საუკეთესო გამოცდილებისა და ინოვაციების გაზიარება“. შეხვედრების მიზანია რეგიონული არასამთავრობო ორგანიზაციებისთვის სამოქალაქო მონიტორინგისა და ადვოკატირების წარმატებული სტრატეგიების გაცნობა, ასევე თბილისის და რეგიონების არასამთავრობო ორგანიზაციების წარმომადგენლებს შორის თანამშრომლობის ხელშეწყობა. 

გადაბეჭდვის წესი


ასევე: