მთავარი,სიახლეები

ბათუმის „გუდვილში“ ერთი კილო ალუჩა – 125, ბაზარში კი 80-90 ლარი ღირს

30.03.2017 • 7732
ბათუმის „გუდვილში“ ერთი კილო ალუჩა – 125, ბაზარში კი 80-90 ლარი ღირს

თბილისის „გუდვილში“ 100 გრამი ალუჩის ფასი 10 ლარი და 90 თეთრია, ბათუმში კი, იმავე ქსელის მაღაზიაში ალუჩის ასგრამიანი შეფუთვა კიდევ უფრო ძვირი, 12 ლარი და 50 თეთრი ღირს.

ალუჩა ბათუმის "გუდვილში"

ალუჩა ბათუმის “გუდვილში”

„გუდვილში“ ამბობენ, რომ ალუჩა ჰოლანდიიდან შემოაქვთ. „იმპორტირებული ხილი ყოველთვის უფრო ძვირია და მითუმეტეს ალუჩა. ჰოლანდიაში ასე იყიდება. რახან ალუჩაა, ამიტომაც ღირს ასეთი ძვირი“ – განუცხადეს „ნეტგაზეთს“ კომპანია „გუდვილის“ მარკეტინგის სამსახურში, სადაც ისიც აღნიშნეს, რომ ფასის მიუხედავად, ალუჩა თბილისის „გუდვილში“ მთლიანად გაიყიდა.

ალუჩის შეძენა ბათუმში, ბაზარშიცაა შესაძლებელი. იგივე, ასგრამიანი შეფუთვა ბათუმში, ბონის ბაზრის მიმდებარე ტერიტორიაზე მდებარე საბითუმო მაღაზიაში, 9 ლარია, შევაჭრების შემთხვევაში 100 გრამი ალუჩის შეძენას 8 ლარადაც შეძლებთ.

ალუჩა ბაზარში

ალუჩა ბაზარში

„ეს ახლა გაიაფდა, თორემ 15 ლარი ღირდა ასი გრამი, ორი-სამი კვირაა შემოვიტანეთ. მას მყიდველი ჰყავს, ძირითადად ფეხმძიმე ქალები ყიდულობენ“ – უთხრეს „ბათუმელებს“ საბითუმო მაღაზიაში.

ამავე თემაზე: 

გუდვილი: 109 ლარიანი ალუჩა დღენახევარში გაიყიდა

გადაბეჭდვის წესი


ასევე: