ზურაბ პარატაძე ბსუ-ში

ზურაბ პატარაძე სტუდენტებს შეხვდა

დღეს, 28 მარტს, აჭარის მთავრობის თავმჯდომარე ზურაბ პატარაძე ბათუმის რუსთაველის უნივერსიტეტის სტუდენტებს, რექტორსა და პროფესორ-მასწავლებლებს შეხვდა. შეხვედრაზე მან  ევროკავშირის ქვეყნებთან უვიზო მიმოსვლის მნიშვნელობაზე ისაუბრა. შეხვედრას ის სტუდენტები ესწრებოდნენ, რომლებიც გაცვლითი პროგრამების ფარგლებში ევროკავშირის წევრ ქვეყნებში იმყოფებოდნენ.

„ვიზალიბერალიზაცია შესაძლებლობას გვაძლევს, უფრო მეტი ჩართულობა გვქონდეს ევროპასთან, უფრო მეტად ვიყოთ ჩართული სხვადასხვა პროექტში და კულტურულ-ჰუმანიტარული, სავაჭრო-ეკონომიკური ურთიერთობები კიდევ უფრო მეტად გავზარდოთ.

გუშინ ვიყავი მაღალმთიან აჭარაში, ხულოში და იქაც აფრიალდა ევროკავშირის დროშები, რაც ძალიან მნიშვნელოვანია, რადგან ბევრი ადამიანი სკეპტიკურად უყურებდა ამ ინიციატივას, მაგრამ ჩვენმა სწრაფვამ ევროპისკენ მიგვიყვანა დადებით შედეგებამდე.

დღეს, თითოეულ ჩვენგანს, არა დიპლომატიური პასპორტით ან ვიზით, არამედ ჩვეულებრივი მოქალაქის პასპორტით შეუძლია შევიდეს ევროპის ქვეყნებში. უვიზო რეჟიმი ხელს  შეუწყობს ურთიერთობების გარღმავებას, სწორედ ახალგაზრდების ჩართულობა არის ძალიან მნიშვნელოვანი, რადგან ჩვენ გვჭირდება განათლებული, ძლიერი კადრები და თქვენ ხართ ის ადამიანები, ვინც მიიღებთ ევროპულ განათლებას და მაქსიმალურ სარგებელს მოუტანთ ჩვენს ქვეყანას.

მინდა გთხოვოთ თითოეულ სტუდენტს, განსაკუთრებით მათ, ვინც უკვე იყავით ევროპაში სხვადასხვა პროგრამების მეშვეობით, რომ მეტი ჩართულობა იყოს თქვენი მხრიდან, მეტი განმარტებები უნდა მისცეთ ახალგაზრდებს, თუ რა პერსპექტივებია ევროპაში“- აღნიშნა მთავრობის თავმჯდომარემ.

ზურაბ პატარაძის თქმით, საქართველო გაერთიანდა ტურიზმის საერთაშორისო ასოციციაში, რაც მისი თქმით, იმას ნიშნავს, რომ მეტი ტურისტი ჩამოვა ქვეყანაში და საერთაშორისო დონის შეხვედრები გაიმართება.

ზურაბ პატარაძის სტუდენტებთან შეხვედრას აჭარის განათლების მინისიტრი, ინგა შამილიშვილიც ესწრებოდა.

ზურაბ პატარაძე ბსუ-ში

ზურაბ პატარაძე ბსუ-ში

 

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com