სასკოლო ოლიმპიადა ინგლისურში, მათემატიკასა და ისტორიაში

სასკოლო ოლიმპიადაში მონაწილეობა შეუძლია საჯარო და კერძო სკოლის ყველა მოსწავლეს, მე-2-დან მე-11 კლასის ჩათვლით. ოლიმპიადის ერთ-ერთი ორგანიზატორის, გიორგი ბოლქვაძის თქმით, სასკოლო ოლიმპიადა საქართველოს 17 ქალაქში გაიმართება. ოლიმპიადა ისტორიაში, მათემატიკასა და ინგლისურ ენაში ჩატარდება.

გამარჯვებული მოსწავლეები გამოვლინდებიან ფინალური ტურის შედეგების გათვალისწინებით, დამატებითი ტურის დანიშვნის შემთხვევაში, შედეგები განსაზღვრავს გამარჯვებულთა ვინაობას“-ამბობს გიორგი ბოლქვაძე.

ოლიმპიადის მეორე და ფინალურ ტურში გადასული თითოეული მონაწილე მიიღებს შესაბამისი ხარისხის სერტიფიკატს“.

ორგანიზატორის თქმით, ოლიმპიადის ფარგლებში გამოვლინდება 5 საუკეთესო სკოლა და საგნის პედაგოგი, რომლებსაც გადაეცემათ სიგელები და საჩუქრები. ოლიმპიადის გამარჯვებულთა დაჯილდოება კი გაიმართება თბილისში,10 ივნისს.

სასკოლო ოლიმპიადაში მონაწილეობა ფასიანია. პირველ ტურში მონაწილეობისთვის მოსწავლემ უნდა გადაიხადოს 3 ლარი, მეორე ტურში კი 9 ლარი. მესამე ტურში მოანწილეობა კი უფასოა.

ოლიმპიადა, როგორც ორგანიზატორები ამბობენ, საგანმანათლებლო პროგრამა „ერუდიტის“ ფარგლებში იმართება.

ბიორგი ბოლქვაძის თქმით,  მოსწავლეთა რეგისტრაცია 15 მარტს დაიწყება და 12 აპრილამდე გაგრძელდება.

ნეტგაზეთის მასალების სხვა გამოცემებში გადაბეჭდვის წესი


ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com