მთავარი,სიახლეები

ივანიშვილის ხის გამო ავტომაგისტრალზე განათების ბოძები და საგზაო ნიშნები ამოთხარეს [ფოტო]

17.03.2017 • 4385
ივანიშვილის ხის გამო ავტომაგისტრალზე განათების ბოძები და საგზაო ნიშნები ამოთხარეს [ფოტო]

ქობულეთის მუნიციპალიტეტის სოფელ ბუკნარში, სადაც შეკვეთილში გადასატანად ხეებს თხრიან, ბათუმი-თბილისის ავტომაგისტრალზე გარეგანათების ბოძები და საგზაო ნიშნებიც ამოთხარეს. მაგისტრალზე გარეგანათება გუშინ საღამოს გათიშეს, ხოლო განათების ბოძები წუხელ ამოიღეს.

დღეს, 17 მარტს, კიდევ ერთი მრავალწლოვანი ხის ტრანსპორტირება იგეგმება ბუკნარიდან ჩაქვში, რის გამოც გარკვეული დროით ბათუმი-ქობულეთის ავტომაგისტრალიც გადაიკეტება.

კომპანია „ზიმოს“ [ეს კომპანია ერთ-ერთი მათგანია, რომლსაც ხეები გადააქვს] წარმომადგენელმა, ირაკლი შანავამ „ბათუმელებს“ უთხრა, რომ განათების ბოძები და საგზაო ნიშნები იმისთვის ამოიღეს, რომ ხის ტრანსპორტირებისას არ დაზიანებულიყო. ხის ტრანსპორტირება კი ბუკნარიდან ჩაქვში დღეს, ღამით იგეგმება და განათების ბოძებსაც და საგზაო ნიშნებსაც პარალელურად აღადგენენ.

არის თუ არა სათანადო ნებართვები გაცემული? – „ბათუმელები“ ინფორმაციისთვის ქობულეთის გამგეობისა და შსს-ს პრესსამსახურებს დაუკავშირდა. მათ მიერ მოწოდებულ ინფორმაციას მოგვიანებით მოგაწვდით.

ხის გადატანის გამო აღნიშნული მაგისტრალის ეს მონაკვეთი, ბოლოს, 5 თებერვალსაც გადაიკეტა.

 

17352541_1490773967622316_1793644057796937789_n

ხის გადატანის სამზადისი, ბათუმი-ქობულეთის ავტომაგისტრალი / ბუკნარი, ჩაქვი / 17.03.2017 / არჩილ კახაძის ფოტოები

17353347_1490774170955629_3654037201881148574_n

17352000_1490773964288983_7476188893288168885_n

17353506_1490774087622304_3534447175926894449_n

17264936_1490774157622297_5607175854447998394_n

 

გადაბეჭდვის წესი


ასევე: