მთავარი,სიახლეები

შს მინისტრი ბათუმში საპატრულო პოლიციის თანამშრომლებს შეხვდა

15.03.2017 • 5464
შს მინისტრი ბათუმში საპატრულო პოლიციის თანამშრომლებს შეხვდა

შინაგან საქმეთა მინისტრი, გიორგი მღებრიშვილი ბათუმში, საპატრულო პოლიციის დეპარტამენტის აჭარის საპატრულო პოლიციის მთავარ სამმართველოში მივიდა. შს მინისტრმა სამმართველოს ხელმძღვანელებისგან არსებული ვითარების შესახებ ინფორმაცია მოისმინა და მათ დავალებები მისცა. ასევე გიორგი მღებრიშვილი პატრულ-ინსპექტორებს შეხვდა, გაესაუბრა და სამუშაო პირობებს ადგილზე გაეცნო. ინფორმაციას შინაგან საქმეთა სამინისტრო ავრცელებს.

Sss

გიორგი მღებრიშვილი და კახა ბუხრაძე / ფოტო: შსს

აჭარის საპატრულო პოლიციის ხელმძღვანელის ვინაობა ზუსტად ისევეა გასაიდუმლოებული, როგორც რომელიმე საიდუმლო სამსახურის თანამშრომლის შესახებ ინფორმაცია. მინისტრ გიორგი მღებრიშვილს თუ, ზოგადად, უწყებას რეგიონის საპატრულო პოლიციის ხელმძღვანელის, კახა ბუხრაძის შესახებ ინფორმაციის მიწოდება საზოგადოებისთვის არც 11 მარტის ბათუმის მოვლენების შემდეგ ჩაუთვლია საჭიროდ. მინისტრმა მხოლოდ ის თქვა, რომ „აჭარაში საკადრო ცვლილებების აუცილებლობა არ არის“. თუ რატომ მიიჩნევს მინისტრი ასე, საზოგადოებას კვლავაც ბუნდოვანი წარმოდგენა აქვს.

რამდენიმე კითხვის დასმას გეგმავდა „ბათუმელები“ შს მინისტრ გიორგი მღებრიშვილისთვის ან უწყების საკადრო პოლიტიკაზე გადაწყვეტილების მიმღები რომელიმე სხვა პირისთვის, მაგრამ შს სამინისტროში ინტერვიუზე ამ დრომდე არ დაგვთანხმდნენ.

გიორგი მღებრიშვილი აჭარის მთავრობის თავმჯდომარესთან ერთად ხულოშიც იმყოფებოდა. 13 მარტს, ხულოში მოქალაქეებთან შეხვედრისას ბათუმში პოლიციის მთავარი სამმართველოს შენობასთან გამართული აქცია მინისტრმა შეაფასა, როგორც პროვოკაცია. ამ შეხვედრის კადრებიც შსს-მ გაავრცელა.

გადაბეჭდვის წესი


ასევე: