sperazmi

ბათუმში აქციაზე სპეცრაზმი გამოჩნდა

ამ წუთებში ბათუმში, პოლიციის მთავარი სამმართველოს ტერიტორიაზე, სადაც საპროტესტო აქცია მიმდინარეობდა, სპეცდანიშნულების რაზმები გამოჩნდა. ისმის სროლის ხმა.

სპეცრაზმთან ერთად, გამოჩნდა საპატრულო პოლიციის ავტომანქანებიც.

სპეცრაზმი გამაფრთხილებელ ნიშანს აძლევს აქციის მონაწილეებს დასაშლელად.

აქცია პოლიციის შენობასთან უკვე რამდენიმე საათია მიმდინარეობს. აქციის მონაწილეებმა დაარბიეს მიმდებარე ტერიტორია, ცეცხლი წაუკიდეს პოლიციის და კერძო პირების ავტომანქანებს, დააზიანეს ქალაქის ინფრასტრუქტურა.

ამ წუთებში უკვე დააკავეს აქციის რამდენიმე მონაწილე, მათ შორის ერთი ქალია.

აქციის მიმდებარე ტერიტორიაზე უკვე აღარ ჩანან აქციის მონაწილეები.

ადგილზე მობილიზებულია  სასწრაფო და სახანძრო მანქანებიც.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com