მდგომარეობა ისევ დაძაბულია ბათუმში, აჭარის პოლიციის დეპარტამენტის შენობასთან, სადაც აქციის მონაწილეებმა ცოტა ხნის წინ [4:36] ბენზინით სავსე ბოთლები ისროლეს შენობის ეზოში, რასაც აფეთქება მოჰყვა და პოლიციის მანქანა იწვის.
ბათუმში უკვე იმყოფება საქართველოს შინაგან საქმეთა მინისტრი გიორგი მღებრიშვილი, რომელიც ამ წუთებში ძალოვანებს ხვდება.
აქციაზე ამ დროისათვის მონაწილეთა რაოდენობამ მცირედით იკლო, თუმცა მონაწილეები აგრესიულად იქცევიან, წვავენ და ანადგურებენ ქალაქის ინფრასტრუქტურას, ცეცხლს უკიდებენ ავტომობილებს და ისვრიან ქვებს პოლიციის მიმართულებით. დააზიანეს შუქნიშნები, ბორდიურები, ქვაფენილი.
აქციაზე ისმის შეძახილები საპატრულო პოლიციის უფროსის გადაყენების მოთხოვნით.