12 მარტი, ბათუმი 2017.
ფოტო: ბათუმელები

აქციის მონაწილეები აგრესიულად ექცევიან ჟურნალისტებსაც

ბათუმში, პოლიციის დეპარტამენტის შენობასთან მიმდინარე აქციაზე აქციის მონაწილეები ჟურნალისტებს აგრესიულად ექცევიან და ხელს უშლიან პროფესიულ საქმიანობაში. აქციის მონაწილეებმა მიკროფონი გადაუგდეს ერთ-ერთ ტელეჟურნალისტს და გადაღებაში ხელი შეუშალეს „ბათუმელების“ ჟურნალისტსაც, რომელიც ცდილობდა გადაეღო, როგორ ყრიდნენ აქციის მონაწილეები ქვაფენილს.

აქცია პოლიციის შენობასთან ამ წუთებშიც გრძელდება. აქციის მონაწილეები ისვრიან ქვებს პოლიციელების მიმართულებით, დაწვეს ავტომაქანები, აყარეს ქვაფენილი. პოლიცია აქციის მონაწილეებს პერიოდულად ცრემლსადენი გაზით პასუხობს.

ავტორი
გაზეთი "ბათუმელები" გამოდის 2001 წლიდან.