მთავარი,სიახლეები

კიდევ ერთი შვიდსართულიანი კორპუსის პროექტი ძეგლის დაცვის ზონაში

08.03.2017 • 2512
კიდევ ერთი შვიდსართულიანი კორპუსის პროექტი ძეგლის დაცვის ზონაში

ბათუმში, გორგილაძის # 10-ში, კომპანია „ტერა TERRA“ შვიდსართულიანი კორპუსის მშენებლობას გეგმავს. ამ ადგილზე ერთსართულიან ბელეტაჟს სამი ახალი სართული აქვს დაშენებული. ახალი პროექტი ამ შენობის დემონტაჟს ითვალისწინებს.

კომპანიამ პროექტის შეთანხმების მიზნით აჭარის კულტურული მემკვიდრეობის დაცვის სააგენტოს მიმართა, რადგან შებობა ძეგლის დაცვის ზონაშია.

ზონალური საბჭოს თავმჯდომარის, ლაშა ასლანიშვილის ინფორმაციით, კომპანია ძველის დაშლას და მის ნაცვლად შვიდსართულინი სახლის მშენებლობას გეგმავს. ძველზე დაშენება კი ვერ მოხერხდება, რადგან შენობა ავარიულ მდგომარეობაშია.

ზონალური საბჭოს სხდომა

ზონალური საბჭოს სხდომა

სხდომაზე არასამთავრობო ორგანიზაციის წარმომადგელები დაინტერესდნენ, ხომ არ გამოიწვია სახლის ავარიულობა მასზე დაშენებამ, რაზეც დაზუსტებული პასუხი არავის გაუცია. იმ დადგენილების მიხედვით, რომელიც ბათუმის მერიის ზედამხედველობის სამსახურს ამ შენებლობასთან დაკავშირებით გამოუცია, შესაძლებელია ვივარაუდოთ, რომ სახლის ავარიულობა დაშენებას შეეძლო გამოეწვია.

ერთსართულიან ბელეტაჟზე სამი ახალი სართულის დაშენება ვინმე ლალი ხვიჩიას 2015 წელს დაუწყია. ბათუმის მერიის ზედამხედველობის სამსხურის მიერ გამოცემული დადგენილებით [# 181] ირკვევა, რომ ის მშენებლობას უსაფრთხოების ნორმების დარღვევით აწარმოებდა, რის გამოც რამდენჯერმე დააჯარიმეს.

ვვვვვვვვვვვვ

ორგანიზაცია „ბათომის“ წარმომადგენლებმა სხდომაზე ამ პროექტთან დაკავშირებით უარყოფითი პოზიცია დააფიქსირეს. ისინი მიიჩნევენ, რომ ამ ქუჩაზე, სადაც ძირითადად დაბალსართულიანი სახლებია, მაღლივი კორპუსის აშენება ქუჩას შეუცვლის იერსახეს.

საბჭომ პროექტი არასრული დოკუმენტების წარდგენის გამო არ განიხილა. სხდომაზე იმავე მიზეზით არ განიხილეს ასევე ორი ათსართულიანი საცხოვრებელი სახლის პროექტი, რომლის მშენებლობასაც ინვესტორი გორგილაძის #22-ში გეგმავს. გორგილაძის # 22-ში ერთსართულიანი ბელეტაჟის დემონტაჟს ეს პროექტიც ითვალისწინებს. სხდომაზე აღნიშნეს ისიც, რომ გასულ წელს ეს პროექტი ზონალურმა საბჭომ ერთხელ უკვე დაიწუნა.

IMG_8584

გადაბეჭდვის წესი