შეზღუდვები ქობულეთის სასმელი წყლით მომარაგებაში

მეორე დღეა ქობულეთში წყალსადენი სისტემის ცენტრალური მაგისტრალის დაზიანების გამო ქალაქის მოსახლეობას სასმელი წყალი შეზღუდვით მიეწოდება.

წყლის ცენტრალური მილი,  შპს „ქობულეთის წყლის“ ინფორმაციით, გუშინ დაზიანდა, რის გამოც წყალმომარაგება რუსთაველის ქუჩისა და აღმაშენებლის გამზირის მოსახლეობას ამ დრომდე შეზღუდვით მიეწოდება.

ქობულეთის მუნიციპალიტეტის პრესცენტრის ინფორმაციით,  დაზიანებული მილების აღსადგენად საგანგებო რეჟიმში მუშაობენ მობილური ჯგუფები.

შპს „ქობულეთის წყლის“ ინფორმაციით, წყალმომარაგება დღის ბოლომდე აღდგება.

ამავე თემაზე: რატომ შეეცვალა ქობულეთის სასმელ წყალს გემო და არის თუ არა უსაფრთხო

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან