სიახლე
მოსაცდელის ესკიზი სატენდერო დოკუმენტიდან

ქობულეთის მუნიციპალიტეტი მოსაცდელებში ნახევარ მილიონზე მეტ ლარს დახარჯავს

504 ათას 900 ლარი აქვს ბიუჯეტში გათვალისწინებული ქობულეთის მუნიციპალიტეტს, ავტობუსის მოსაცდელის 33 კონსტრუქციის შეძენა-დამონტაჟებისთვის. მეტალოკონსტრუქციის მოსაცდელები ქალაქ ქობულეთში უნდა განთავსდეს.

„ავტობუსის გაჩერება წარმოადგენს ბეტონის მომზადებულ ფილაზე მდგომ მცირე ზომის არქიტექტურულ ფორმას. მისი გაბარეტებია 4,1*1,5*2,7 . ავტობუსის გაჩერება უნდა დაიდგას ბეტონის 20 სმ სისქის ფილაზე ზომით 5 000 * 2 500, რომლის ზედაპირი უნდა მოპირკეთდეს (არსებული ფილით). წინასწარ მომზადებულ ბეტონის ფილაში გათვალისწინებული უნდა იყოს დენის წყარო 220 ვოლტი და მეტალის კარკასის სამაგრი კრონშტეინები“ – აღნიშნულია სატენდერო პირობაში.

კონსტრუქციები ხელშეკრულების გაფორმებიდან სამ თვეში უნდა დამონტაჟდეს. შესაბამის ადგილებს, კონკრეტულად სად დამონტაჟდეს მოსაცდელი, გამარჯვებულს მუნიციპალიტეტი მოგვიანებით მიუთითებს.

ქობულეთში დაახლოებით ასეთი მოსაცდელები უნდა დამონტაჟდეს:
მოსაცდელის ესკიზი სატენდერო დოკუმენტიდან

მოსაცდელის ესკიზი სატენდერო დოკუმენტიდან

ტენდერის პირობების თანახმად: „მიმწოდებელი იძლევა გარანტიას, რომ დეფექტის გამოვლენის შემთხვევაში თავად უზრუნველყოფს წუნდებული [უხარისხო] საქონლის შეცვლას და განახორციელებს შეცვლასთან დაკავშირებულ ყველა მოქმედებას საკუთარი ძალებით და საშუალებებით, შემსყიდველის მხრიდან ყოველგვარი დამატებითი დანახარჯების გაწევის გარეშე, შეტყობინების მიღებიდან არაუგვიანეს 10 დღის განმავლობაში. ამ ვადაში შედის საქონლის წაღება და ახალით შეცვლა.

გადახურული [გამჭირვალე] მოსაცდელები ავტობუსის/საზოგადოებრივი ტრანსპორტის გაჩერების საგარანტიო ვადაა 5 წელი“.

ავტორი
თედო ჯორბენაძე, ჟურნალისტი ტელ.: [0422] 27 45 12 ელ/ფოსტა: tedobatumi@gmail.com