საქსტატი: იანვარში საგარეო სავაჭრო ბრუნვამ 651 მლნ. აშშ დოლარი შეადგინა

საქართველოს სტატისტიკის ეროვნული სამსახურის მონაცემებით, 2017 წლის იანვარში საქართველოში საქონლით საგარეო სავაჭრო ბრუნვამ [არადეკლარირებული ვაჭრობის გარეშე] 651 მლნ. აშშ დოლარი შეადგინა: „რაც წინა წლის შესაბამისი პერიოდის მაჩვენებელზე 22 პროცენტით მეტია“.

მიმდინარე წლის იანვრის თვეში ექსპორტი 177 მლნ. აშშ დოლარი იყო [45 პროცენტით მეტი, გასული წლის ანალოგიურ პერიოდთან შედარებით], ხოლო იმპორტი 474 მლნ. აშშ დოლარი [15 პროცენტით მეტი].

უარყოფითმა სავაჭრო ბალანსმა [იმპორტსა და ექსპორტს შორის სხვაობამ] 2017 წლის იანვარში 298 მლნ. აშშ დოლარი და საგარეო სავაჭრო ბრუნვის 46 პროცენტი შეადგინა.

საქსტატის მონაცემები

საქსტატის მონაცემები

საქონლით საგარეო ვაჭრობის შესახებ ინფორმაციის ძირითად ადმინისტრაციულ წყაროს წარმოადგენს სატვირთო-საბაჟო დეკლარაციების მონაცემთა ბაზა, რომელსაც სტატისტიკის ეროვნული სამსახური [საქსტატი] ყოველთვიურად იღებს საქართველოს ფინანსთა სამინისტროს სსიპ შემოსავლების სამსახურიდან.

„საქართველოში მიმდინარეობს C ჰეპატიტის მართვის სახელმწიფო პროგრამა, რომლის ფარგლებში მკურნალობის კომპონენტით განსაზღვრული მედიკამენტებით პროგრამის მოსარგებლეთა უზრუნველყოფა ხორციელდება უსასყიდლოდ. საქართველოს საბაჟოზე მედიკამენტების დეკლარირებისას მათი საბაჟო ღირებულება განისაზღვრება ექსპერტიზის მიერ გაკეთებული შეფასების საფუძველზე…

საბაჟო სამსახურიდან მოწოდებულ ოფიციალურ ინფორმაციაზე დაყრდნობით, საქსტატმა მოახდინა C ჰეპატიტის მედიკამენტების იმპორტის ღირებულების კორექტირება საინვოისო ღირებულების შესაბამისად, სავალუტო ფონდის რეკომენდაციის საფუძველზე. გადაანგარიშებამ მოიცვა 2015-2016 წლები, პერიოდი C ჰეპატიტის მართვის სახელმწიფო პროგრამის დაწყებიდან დღემდე და შესაბამისად დაკორექტირდა მთლიანი იმპორტის, საგარეო სავაჭრო ბრუნვისა და სავაჭრო ბალანსის მონაცემები“ – აცხადებს საქასტატი.


საქართველოს საგარეო ვაჭრობა ევროკავშირისა და დსთ-ის ქვეყნებთან [ინფოგრაფიკა]

საარსებო მინიმუმი ერთ თვეში 4,7 ლარით გაიზარდა

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com