სიახლე
რ.შაჰინის-სახელობის-სკოლა-ლიცეუმი-7-infobatumi

შაჰინის სკოლის ორი მოსწავლე ფლორიდის ტექნოლოგიურ უნივერსიტეტში ისწავლის

შაჰინის სკოლა-ლიცეუმის ორი მე-12 კლასელი აშშ-ი, ფლორიდის ტექნოლოგიურ უნივერსიტეტში ისწავლის. ამის შესახებ ინფორმაციას სკოლის ადმინისტრაცია ავრცელებს.

სკოლის დირექტორის ელგუჯა დავითაძის ინფორმაციით, მეთორმეტეკლასელებმა, ადემ კახაძემ და ილია გოგიტიძემ უნივერსიტეტისგან ჩარიცხვის შესახებ ინფორმაცია დღეს, 16 თებერვალს მიიღეს.

„ამ მოსწავლეებს გაგზავნილი ჰქონდათ დოკუმენტაცია და ახლა მიიღეს თანხმობა უნივერსიტეტისგან. ორივე მოსწავლემ მიიღო სასწავლო გრანტი, ერთმა 19 ათასი დოლარი, მეორე კი მოსწავლე კი დაფინანსების შესახებ პასუხს ელოდება“-გვეუბნება დირექტორი.

შაჰინის  სკოლა-ლიცეუმს ამ დროისთვის სასწავლო პროცესი შეჩერებული აქვს, რადგან ავტორიზაციის საბჭომ ავტორიზაცია 3 თებერვალს გაუუქმა.

 

ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com