fardagi-e1474437705133

კონკურსი რეწვის სახელოსნოების დასაფინანსებლად

აჭარის განათლების სამინისტრო 2017 წლიდან ტრადიციული რეწვის სახელოსნოების დაფინანსებას აპირებს. სამინისტროს ინფორმაციით, კონკურსის წესით  შეირჩევა ხუთი სახელოსნო აჭარის სხვადასხვა მუნიციპალიტეტებში, გარდა ბათუმისა.

პროექტის ფარგლებში უნდა ჩატარდეს არანაკლებ ხუთი ტრენინგი კონკურსით წესით შერჩეული სახელოსნოების ოსტატებისთვის, რომლებმაც არანაკლებ 25 შეგირდს მომზადებენ. სწავლების ხანგრძლივობა საშუალოდ 45 სასწავლო საათია.

ოფიციალური ინფორმაციით, კონკურსის წესით შერჩეული თითოეული სახელოსნო 4 100 ლარით დაფინანსდება. „უპირატესობა მიენიჭებათ ისეთ სახელოსნოებს, რომელთა მიერ შექმნილ ნამუშევრებს გააჩნიათ საბაზო პოტენციალი“- ნათქვამია სამინისტროს განცხადებაში.

„ტრადიციული რეწვის სწავლებისა და სახელოსნოს განვითარების“ პროექტი, განათლების სამინისტროს „არამატერიალური კულტურული მემკვიდრეობის დაცვა და პოპულარიზაციის“  ფარგლებში, 30 ათასი ლარით ფინანსდება.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com