ბათუმის აეროპორტში ამერიკის შეერთებული შტატების მოქალაქე ლ.კ. დააკავეს. ის ტაშკენტის ინტერპოლის მიერ საერთაშორისო დონეზე ძებნილი პირია.
შინაგან საქმეთა სამინისტროს ინფორმაციით, ლ.კ. დამნაშავედ არის ცნობილი უზბეკეთის რესპუბლიკის სისხლის სამართლის კოდექსის 97-2, 155-3 159-3, 242-2, 244 მუხლებით გათვალისწინებული დანაშაულების ჩადენისათვის, რაც ტერორიზმს, კრიმინალური ორგანიზაციის შექმნას, დივერსიული თავდასხმების განხორციელებას და საბრძოლო მასალის უკანონო ჩამორთმევას გულისხმობს.
ამჟამად დაკავებულის მიმართ კანონით გათვალისწინებული წინასაექსტრადიციო პროცედურები მიმდინარეობს.