თოვლ-ჭყაპი ბათუმში. მანანა ქველაშვილის ფოტო

ამინდის პროგნოზი: უამინდობა აჭარაში 17 თებერვლამდე გაგრძელდება

თოვლიანი ამინდი აჭარაში მომდევნო სამი დღის მანძილზე შენარჩუნდება – ასეთია გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის პროგნოზი.

„დღეს და მომდევნო ორ დღეს აჭარაში მოსალოდნელია ნალექი, უმეტესად თოვლის სახით, დროგამოშვებით – ზოგან ძლიერი.

ხვალ, 15 თებერვალს, დღის მეორე ნახევრიდან გაძლიერდება ქარი, ზღვაზე მოიმატებს შტორმი 5-6 ბალამდე. მთაში შენარჩუნებული იქნება ზვავსაშიშროება. ჰაერის ტემპერატურა იქნება: ღამით, სანაპირო ზოლში – ორი გრადუსი ყინვა, სამი გრადუსი სითბო, დღისით – 0-5 გრადუსი სითბო. მთაში მოსალოდნელია ღამით – 10-15 გრადუსი ყინვა, დღისით – 2-7 გრადუსი ყინვა“ – აღნიშნა ბათუმელებთან“ გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის სინოპტიკოსმა მარინე ქათამაძემ.

სინოპტიკოსების თქმით, გამოდარებას აჭარაში 17 თებერვლიდან უნდა ველოდოთ.

ავტორი
ნანა კვაჭაძე, ჟურნალისტი ტელ: [0422] 27 45 12 ელფოსტა: kvachadze.n@gmail.com