მთავარი,სიახლეები

ზურაბ პატარაძე: ყველა ბათუმელს ვთხოვ, ჩაერთოს ხე-მცენარეების გაწმენდის აქციაში

29.01.2017 • 6681
ზურაბ პატარაძე: ყველა ბათუმელს ვთხოვ, ჩაერთოს ხე-მცენარეების გაწმენდის აქციაში

„ბათუმში მოვიდა უხვი ნალექი თოვლის სახით. განსაკუთრებით დიდი რაოდენობით აღინიშნება თოვლის მასა ქობულეთისა და ხელვაჩაურის მუნიციპალიტეტებში და ბათუმში. ყველა სამსახური მობილიზებულია და 24-საათიან რეჟიმში მუშაობს. მიმდინარეობს გაწმენდითი სამუშაოები. საკმარისი რაოდენობაა ტექნიკის. მინდა ყველა ბათუმელს ვთხოვო, გამოვიდნენ საზღვაო პარკში, ბულვარში, თავიანთი სახლების წინ და ჩაერთონ ხე-მცენარეების გაწმენდის აქციაში, დაასუფთაონ, გაწმინდონ ჩვენი ქალაქი. ჩვენ მზად ვართ მაქსიმალურად მხარი დავუჭიროთ და დავეხმაროთ მათ“ – აღნიშნა ზურაბ პატარაძემ დღეს ბათუმის ბულვარში.

მთავრობის თავმჯდომარემ ბულვარში ხე-მცენარეების თოვლისგან გაწმენდაში, დღეს, 29 იანვარს, ოჯახთან ერთად მიიღო მონაწილეობა.

აჭარის მთავრობის პრესსამსახურის ინფორმაციით, ამ დროისათვის, ძველ ბულვარში, უნივერსიტეტის მიმდებარე ტერიტორიამდე, მრავალწლოვანი ხეები ჩამობერტყილია. “მონიტორინგის შედეგად ბათუმის ბულვარში მძიმე დაზიანებები არ ფიქსირდება, ადგილი აქვს ძირითადად, მრავალწლიანი ნარგავების ტოტების დაზიანებას“.

„ბათუმის ბულვარის“ ადმინისტრაციის განცხადებით, თოვლის გამო სამსახური საგანგებო  რეჟიმში აგრძელებს მუშაობას.

სინოპტიკოსთა პროგნოზით, აჭარაში 2 თებერვლამდე ითოვებს.

16402212_10209935647400111_2132946352_n

ბათუმის ბულვარი. 29.01.2017 / აჭარის მთავრობის პრესსამსახურის ფოტო

გადაბეჭდვის წესი


ასევე: