ხელვაჩაურის გამგეობის ინფორმაციით, საავტომობილო გზების თოვლისგან გაწმენდა ამ დროისთვის მუნიციპალიტეტის 20 სოფელში მიმდინარეობს: „ყველა ცენტრალური გზა გაწმენდილია. ამჟამად ცენტრებიდან სოფლებში შესასვლელი გზები იწმინდება“.
„უამინდობის გამო ხელვაჩაურის მუნიციპალიტეტში მობილიზებულია სპეციალური ჯგუფები, შესაბამისი ტექნიკა და მიმდინარეობს პრევენციული ღონისძიებების გატარება. შექმნილია საგანგებო შტაბი, რომელიც 24-საათიან რეჟიმში მუშაობს. ხელვაჩაურში მოქმედებს ცხელი ხაზი: 0 800 – 100 – 106. საჭიროების შემთხვევაში მოქალაქეებს შეუძლიათ დაგვიკავშირდნენ ნომრებზე: 25 93 17; 599 85 15 75; 591 98 32 61; 595 95 87 08“ – აცხადებენ გამგეობის პრესსამსახურში.
ქობულეთის გამგეობის პრესსამსახურის ინფორმაციით, მუნიციპალიტეტში ამ დროისთვის თოვს, თუმცა რაიმე შეტყობინება უამინდობით გამოშექმნილი პრობლემების შესახებ მუნიციპალიტეტის სოფლებიდან არ აქვთ: „დილით ქობულეთში არ თოვდა, ახლა თოვს, თუმცა რაიმე საგანგაშო მდგომარეობა არ არის. გზები სპეცტექნიკით ამ დროისთვის იწმინდება ხუთი მიმართულებით: საჩინო, ქაქუთი, აჭყვისთავი, კვირიკე და სოფელ ქობულეთი-ჭახათის მიმართულებით“.
ფოტო: ხელვაჩაურის მუნიციპალიტეტი.