მთავარი,სიახლეები

ავტოავარიის შედეგად ბათუმში 17 წლის მოზარდი დაიღუპა

15.01.2017 • 4761
ავტოავარიის შედეგად ბათუმში 17 წლის მოზარდი დაიღუპა

ავტოსაგზაო შემთხვევა ბათუმში 5 იანვარს მოხდა. ავტოავარიის შედეგად სხვადასხვა სახის მძიმე დაზიანებით ავტომანქანაში მყოფი 17 წლის გოგონა რეფერალურ საავადმყოფოში მოათავსეს.

გოგონა 13 იანვარს გარდაიცვალა.

ბათუმის სასწრაფო დახმარების სამსახურში აცხადებენ, რომ ახალი წლის შემდეგ სულ სამი გამოძახება ჰქონდათ ავტოსაგზაო შემთხვევის ადგილზე. როგორც ამ უწყებაში „ბათუმელებს“ უთხრეს, აქედან ორი შემთხვევა გზის მოყინვის გამო მოხდა. მძიმე დაზიანებები არც ერთხელ არ დაფიქსირებულა.

თუმცა, სასწრაფო დახმარების სამსახურში „ბათუმელებს“ ასევე განუცხადეს, რომ ავტოსაგზაო შემთხვევის ადგილზე, რის შედეგადაც გოგონა გარდაცვალა, სასწრაფო სამსახურის ჯგუფი გამოძახებული არ ყოფილა.

შს სამინისტროს პრესცენტრში აცხადებენ, რომ გოგონას დაღუპვის გამო გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს.

გადაბეჭდვის წესი


ასევე: