გიორგი ერმაკოვი და ირაკლი კვერღელიძე
ფოტო: როინ გუნდაძე

ბათუმის საკრებულომ და მთავრობამ „ორბი ჯგუფს“ მიწები გადასცა

დღეს 26 დეკემბრის სხდომაზე, ბათუმის საკრებულომ რიგგზარეშე სხდომაზე, ბათუმის საკუთრებაში არსებული მიწის ნაკვეთის აჭარის მთავრობსთვის გადაცემის საკითხი განიხილეს.

მერიამ მთავრობას სამი მიწის ნაკვეთი გადასცა.  2 000 კვ/ მეტრი ბათუმში შერიფ ხიმშიაშვილის ქუჩაზე, 2 352 კვ/მეტრი ფიროსმანის ქუჩაზე სპორტსკოლის მიმდებარედ და 207 კვ/მ ხიმშიაშვილის ქუჩაზე.  აღნიშნული მიწის ნაკვეთები გადაეცემა სამშენებლო კომპანია „ორბი ჯგუფს“. ამ მიწების ჩამონათვლაშია ის ტერიტორიაც, სადაც სპორტსკოლაა განთავსებული.

მერიის საფინანსო-საბიუჯეტო სამსახურის უფროსის, ეგარსლან ლომაძის განცხადებით, „ორბი ჯგუფს“ აღნიშნულ ტეროტორიებზე 200 მილიონი ლარის ინვესტიციის განხორციელებას გეგმავს.

ბათუმი იქნება პირველი ქალაქი, რომელსაც სასტუმროების სიდიდის მხრივ მეხუთე ადგილი ექნება მსოფლიოში“-განაცხადა მან.

„ორბი ჯგუფის“ გენერალური დირექტორის ირაკლი კვერღელიძის განცხადებით, აღნიშნულ ტერიტორიებზე საერთაშორისო სტანდარტების 5 400 ნომრიანი სასტუმრო კომპლექსები აშენდება. მშენერბლობაზე 3 ათასი ადამიანი დასაქმდება, მუდმივად კი 4 ათასი. „ბათუმი იქნება პირველი ქალაქი, რომელსაც სასტუმროების სიდიდის მხრივ მეხუთე ადგილი ექნება მსოფლიოში“-განაცხადა მან.

ქალაქის მერის გიორგი ერმაკოვის განცხადებით, ქალაქს სჭირდება ახალი სასტუმროები რადგან „სტატისტიკურმა მონაცემებმა აჩვენა რომ ამაზე მოთხოვნა არსებობს“. ერმაკოვის განცხადებით, სამშენებლო კომპანიას დამატებითი წინადადებებიც შესთავაზეს – „ეს არის ხიდების მშენებლობა ხიმშიაშვილი და ტბელ აბუსერიძის ქუჩაზე. ეს იყო ძირითადი ამოსავალი და ის, რომ ამონაგები თანხების ქალაქის ბიუჯეტში შეტანა მოხდება.“

მერის განცხადებით, სპორტსმენები ახალი შენობის გამოყოფამდე, სავარჯიშოდ, სხვადასხვა სპორტულ ობიექტებში გადანაწილდებიან.

საკრებულომ „ორბი ჯგუფზე“ მიწების გადაცემას ერთხმად დაუჭირა მხარი.

 

 

ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com