სიახლეები

ნაციონალების აქტივისტები ავარიაში მოხვდნენ

29.09.2012 • 1399
ნაციონალების აქტივისტები ავარიაში მოხვდნენ

დღეს ნაციონალური მოძრაობის შეხვედრაზე მიმავალი მიკროავტობუსი ხელვაჩაურში, სოფელ კახაბერთან ორ მსუბუქ ავტომობილს შეეჯახა. შეჯახების შედეგად  სხეულის მსუბუქი დაზიანება მიიღო 9 მგზავრმა. როგორც ბათუმის რესპუბლიკურ საავადმყოფოში  „ბათუმელებს“განუცხადეს, საავადმყოფოში სასწრაფოს მიერ პირველადი დახმარების გასაწევად 6 მგზავრი მიიყვანეს.  მოგვიანებით კიდევ სამი მგზავრი თვითონ მივიდა.

 

„სტაციონარში არცერთი მგზავრი არ მოგვითავსებია. გაკეთდა გამოკვლევა,  კონსულტაციები. მგზავრებს აღენიშნებოდათ სხეულის სხვადასხვა ადგილის დაზიანებები. დაჟეჟილობები, მძიმედ არცერთი არ ყოფილა,“ – უთხრა „ბათუმელებს“, რესპუბლიკური საავადმყოფოს მორიგე ტრავმატოლოგმა შოთა ბერიძემ.

 

ავარიის გამომწვევი მიზეზი ამ დროისთვის უცნობია. 

 

გადაბეჭდვის წესი