ბათუმში „სამშენებლო მასალებისა და დეველოპერების’’ საერთაშორისო გამოფენა – გაყიდვა მიმდინარეობს

ამ წუთებში ბათუმში, სასტუმრო „შერატონში“,,სამშენებლო მასალებისა და დეველოპერების’’ მე-6 საერთაშორისო გამოფენა-გაყიდვა „BATUMI BUILD 2016” იხსნება.  გამოფენის ძირითადი მიზანი ბათუმში საერთაშორისო გამოფენების ორგანიზებაა.

გამოფენის ორგანიზატორია საგამოფენო  კომპანია “Expo Batumi”. მათი ინფორმაციით გამოფენა საშუალებას მისცემს მონაწილე კომპანიებს მომხმარებელს გააცნონ თავიანთი სერვისი და პროდუქცია, გაცვალონ ბიზნესკონტაქტები, გაეცნონ სამშენებლო და დიზაინის სფეროში არსებულ სიახლეებს და ახალ ტექნოლოგიებს. გამოფენაში საერთაშორისო და ადგილობრივი უძრავ-მოძრავი ქონების სააგენტოებიც ჩაერთვებიან, რომლებიც  კომპანიებთან საქმიან ურთიერთობებს ადგილზე დაამყარებენ.

გამოფენაში მონაწილეობენ კომპანიები შემდეგი ქვეყნებიდან: საქართველო, აზერბაიჯანი, თურქეთი, ირანი, უკრაინა, იტალია, ჰოლანდია.  გამოფენის მიმდინარეობისას იგეგმება სარეკლამო, საინფორმაციო ტურები, პრეზენტაციები მონაწილეთათვის და შეხვედრები მასმედიის წარმომადგენლებთან.

გამოფენა სამ დღეს გაგრძელდება და 11 დეკემბერს ოფიციალურად დაიხურება.

ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან