სიახლეები

„დემოკრატიის ინსტიტუტის“ ფორუმი ეკომიგრაციაზე

24.11.2016 • 1535
„დემოკრატიის ინსტიტუტის“ ფორუმი ეკომიგრაციაზე

25 ნოემბერს „დემოკრატიის ინსტიტუტი“ ეკომიგრაციის სახელმწიფო პოლიტიკის გაუმჯობესების ხელშეწყობის მიზნით შეხვედრების ფორუმს ბათუმში დაასრულებს. ფორუმი სასტუმრო „დივანში“ გაიმართება დილის 10 საათიდან 17 საათამდე.

შეხვედრები ანაკლიაში, წყალტუბოში, თბილისში, რუსთავში, ნაფარეულსა და ბორჯომში გაიმართა. რეგიონულ შეხვედრებში მონაწილეობდნენ ცენტრალური და ადგილობრივი ხელისუფლების (62 მუნიციპალიტეტი), სამოქალაქო და მედიაორგანიზაციების წარმომადგენლები და დამოუკიდებელი ექსპერტები.

„დემოკრატიის ინსტიტუტის“ ცნობით, რეგიონული სამუშაო შეხვედრების დასრულების შემდეგ გაკეთდება საქართველოში ეკომიგრაციის პრევენციის კუთხით არსებული გამოცდილების, წარმატებული პრაქტიკის, რესურსებისა და შესაძლებლობის ანალიზი; შეფასდება საქართველოში სტიქიური მოვლენების შედეგად დაზარალებული განსახლებას დაქვემდებარებული ოჯახების განსახლების პროცესი, საცხოვრისის შესყიდვის პრაქტიკა, შეფასდება საქართველოში სტიქიური მოვლენების შედეგად დაზარალებული სახელმწიფოს მიერ ჩასახლებული ეკომიგრანტების ინტეგრაციის, ეკონომიკური შესაძლებლობების გაძლიერების და ადგილზე დამკვიდრების სახელმწიფო მხარდაჭერის არსებული პრაქტიკა, გაკეთდება არსებული გამოცდილების ანალიზი და შეფასდება ე.წ. „სოციალური სახლების“ სახელმწიფო პოლიტიკა და მიზანშეწონილობა.

ასევე, არსებული სახელმწიფო პოლიტიკის გაუმჯობესების მიზნით, მომზადდება განსახორციელებელი საქმიანობების ნუსხა, რომელიც წარედგინება საქართველოს ხელისუფლების შესაბამის ორგანოებს და მიმდინარე წლის დეკემბერში დაიწყება რეკომენდაციების ლობირების კამპანია (საჯარო ფორუმები, დოკუმენტური ფილმების სერია, ინდივიდუალური შეხვედრები გადაწყვეტილების მიმღებ პირებთან).

სამუშაო შეხვედრების ფორუმი გაიმართება პროექტის „ეკომიგრანტი და პოტენციური ეკომიგრანტი ოჯახების ადვოკატირების კამპანია“ ფარგლებში.
პროექტს ევროკავშირი აფინანსებს.

გადაბეჭდვის წესი


ასევე: